2 years ago
December 6, 2022
सुबास हुमागाईं, कतार
उपाधि दावेदार ब्राजिलले फिफा विश्वकपमा बेग्लै इतिहास रचेको छ । सोमबार दक्षिण कोरियाविरुद्ध ४-१ को फराकिलो जितका दौरान तेस्रो रोजाइका गोलरक्षक वेभर्टनलाई मैदानमा उतारेसँगै ब्राजिल विश्वकपको एकै संस्करणमा २६ खेलाडी खेलाउने पहिलो राष्ट्र बनेको हो ।
प्रशिक्षक टिटेले खेलको ८० औं मिनेटमा एलिसन बेकरको स्थानमा ३४ वर्षीय वेभर्टनलाई मैदान प्रवेश गराएका थिए । विश्वकपमा पहिलो खेल खेल्ने अवसर पाएका वेभर्टन ब्राजिलको पाल्मेरासबाट व्यावसायिक फुटबल खेल्दै आएका छन् । उनले राष्ट्रिय टोलीका लागि भने यसअघि ९ पटक खेलिसकेका थिए ।
टिटेले वेभर्टनलाई मैदान प्रवेश गराएसँगै ब्राजिल २६ खेलाडी उतार्ने पहिलो टोली बनेको हो । कतार विश्वकपमा पहिलो पटक २६ खेलाडीको टोली बनेको हो । यसअघिका विश्वकपमा हरेक टोलीमा अधिकतम २३ खेलाडी रहने गर्दथे । ब्राजिलले यस संस्करणमा सबै खेलाडीलाई अवसर दिँदै यो दुर्लभ कीर्तिमान हासिल गरेको हो ।
ब्राजिलले समूह चरणको अन्तिम खेलमा दोस्रो रोजाइको टोली उतार्दै सबै खेलाडीलाई अवसर दिने रणनीति लिएको थियो । यसो गर्दा आफ्नो मुख्य खेलाडीले विश्राम पाउने प्रशिक्षकले बताएका थिए । त्यसको फलस्वरूप ब्राजिलले दक्षिण कोरियाविरुद्ध उत्कृष्ट प्रदर्शन गर्न सफल भयो ।
हालसम्म ब्राजिलले विश्वकपमा ४ खेल खेल्दा डिफेन्डर मार्किन्हस, विंगर राफिन्हा र रोड्रीगोले मात्र सबै खेलमा खेलेका छन् ।
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]