2 years ago
December 6, 2022
सुबास हुमागाईं, कतार
फिफा विश्वकप कतार २०२२ अन्तर्गत नकआउट चरणको पहिलो खेलअघि स्पेनका प्रशिक्षक लुइस एन्रिकेले आफ्ना खेलाडीलाई पेनाल्टी प्रशिक्षणका लागि विशेष गृहकार्य दिएको बताएका छन् ।
मोरक्कोविरुद्ध हुने अन्तिम १६ चरणको खेलअघि पेनाल्टीमा टोलीको तयारीबारे सोधिएको प्रश्नमा एन्रिकेले क्लब फुटबलमै रहँदा खेलाडीलाई प्रशिक्षणको लागि निर्देशन दिइएको बताए । ‘मैले एक वर्ष अघिदेखि खेलाडीलाई होमवर्क दिएको छु । मैले यसबीचमा एक हजार पेनाल्टी हान्नुपर्छ भनेको थिएँ । राष्ट्रिय टोलीमा आएर पेनाल्टी मात्र प्रशिक्षण गर्ने कुरा हुँदैन । क्लब फुटबलमा त्यसको लागि ध्यान दिन भनेको छु । हामीसँग तीन उत्कृष्ट गोलरक्षक छन् । पेनाल्टी भएको अवस्थामा सबै तयार छन्,’ उनले भने ।
मोरक्कोविरुद्ध खेल स्पेनका लागि सहज नहुने पनि उनले बताए । ‘सबै खेलाडी फिट छन् । भोलीका खेलका लागि तयार छौं । हामी विश्वकपमा उत्कृष्ट टोलीको सामना गरिरहेका हुन्छौं । प्रशिक्षक र खेलाडी स्तरीय हुन्छन् । मोरक्को यसपटक प्रतियोगितामा सबैभन्दा हौसिएको टोली छ । कठिन समूहबाट पनि अघि बढ्न सफल भयो,’ उनले बताए ।
स्पेनले पछिल्लो समय टिकी टाका फुटबलमा बढी ध्यान दिँदा डिफेन्समा गल्ती भइरहेको आरोप छ । इन्रिकेले यसबारे आफ्नो रणनीति परिवर्तन नहुने बताए । ‘स्पेनले लामो पास खेल्दै खेल्दैन भन्ने नै छैन । हामी आफ्नो रणनीतिमा प्रष्ट छौं । खेलाडीले मैदानभित्र आफ्नो आवश्यकता अनुसार निर्णय लिने हो । तर हामीले गोल निकाल्दा पास खेलेरै निकालेका छौं । गोल खायौं भन्दैमा रणनीति परिवर्तन हुँदैन । हामी पछाडिबाट पास खेलेर नै बढी सफल भएका छौं,’ उनले प्रष्ट पारे ।
इन्रिकेले सन् २०१५ मा निकै सफलता हासिल गरेको बार्सिलोना र स्पेनलाई तुलना गर्न नमिल्ने बताए । ‘सन् २०१५ यता धेरै परिवर्तन भएको छ । खेल्ने शैली फरक छ । बार्सिलोनामा उच्च स्तरका खेलाडी थिए । क्लब फुटबलमा समर्थकलाई रमाइलो दिनुपर्छ । खेल जित्ने फर्कने मात्र हुँदैन । त्यसैले क्लबको परिचय अनुसार खेल्नुपर्ने हुन्छ,’ इन्रिकेले थपे ।
इन्रिकेका अनुसार स्पेनले खेल अवधिभर एकपक्षीय दबाब राख्छ भन्ने आँकलन गर्नु गलत हुनेछ । ‘जापानविरुद्ध हामी १० मिनेट पछि रह्यौं । हालसम्म खेलेका ३०० मिनेटमा हामी केहि समय पछि पर्यौं र त्यसमा नै धेरैको ध्यान छ । राम्रो पक्षमा पनि ध्यान दिनुपर्छ । मोरक्कोले पनि हामी विरुद्ध कुनै समय राम्रो खेल्ला, त्यसको लागि तयार रहनुहोस् । हामी खेलको सबै समय पकड जमाउन सक्दैनौं,’ उनले भने ।
स्पेन र मोरक्कोबीचको खेल एजुकेसन सिटि रंगशालामा मंगलबार हुनेछ । खेल नेपाली समयअनुसार रातको ८:४५ बजे सुरु हुनेछ । यस खेलको विजेताले पोर्चुगल र स्विटजरल्यान्डबीच खेलको विजेतासँग खेल्नेछ ।
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]