2 years ago
December 1, 2022
एजेन्सी – कतारमा जारी फिफा विश्वकपमा चार पटकको च्याम्पियन जर्मनीले आज (बिहीबार) कोस्टा रिकासँग खेल्दैछ ।
समूह ‘ई’ अन्तरगतको कोस्टा रिका र जर्मनीबीचको खेल अल बायत रंगशालामा राति १२ः४५ बजेपछि हुनेछ । यही समयमा जापान र स्पेनबीच प्रतिस्पर्धा हुनेछ ।
यो समूहमा सबै चार टोलीको नकआउट चरण पुग्ने सम्भावना छ । दुवै खेल बराबरीमा सकिएमा स्पेन र जापान नकआउट चरणमा पुग्नेछ ।
अर्को खेलमा कोस्टा रिका र जर्मनी खेल्दा दुवैको लक्ष्य स्पष्ट जित नै हुनेछ । जर्मनीलाई पराजित गरेमा कोस्टा रिका अन्तिम १६ मा पुग्नेछ । यस्तै जर्मनीसँग बराबरीले पनि कोस्टा रिका अघि बढ्न सक्छ तर त्यसका लागि स्पेनले जापानलाई हराउनुपर्नेछ । दुवै खेल बराबरी भएमा र जर्मनीसँग पराजित भएमा कोस्टा रिका बाहिरिनेछ ।
कोस्टा रिकासँग केलर नाभास, फ्रान्सिस्को काल्भो, जुआन पाब्लो भार्गास, केन्डल वास्टन, ओस्कार डुआर्टे, ड्यानिएल चकन, केयसर फुलर, कार्लोस मार्टिनेज, ब्रायन ओभिएडो, रोनाल्ड मातारिता, येल्सिन तेजेडा, सेल्सो बोर्जेस, युस्तिन सालास, रोआन विल्सन, जेर्सन टोरेस, डग्लस लोपेज, जेविसन बेनेटे, अल्भारो जामोरा, एन्थोनी हर्नान्डेज, ब्रेन्डन अगिलेरा, ब्रायन रुइज, जोएल क्याम्पबेल, एन्थोनी कोन्ट्रेरास र योहान भेनेगास छन् ।
जर्मनीलाई नकआउट चरणमा स्थान बनाउन कोस्टा रिकालाई हराउनुसँगै अर्को खेलमा स्पेनले जापानलाई पराजित गर्नुपर्नेछ । जापानले स्पेनलाई हराएमा भने जर्मनी र स्पेनको समान ४ अंक हुनेछ । यसो भएमा गोलअन्तर निर्णायक हुनेछ ।
जर्मनीको लागि सबैभन्दा राम्रो समिकरण भनेको आफ्नो खेल जित्नु र स्पेनले जापानलाई हराउनु नै हो । बराबरी वा हारले भने जर्मनी समूह चरणबाटै बाहिरिनेछ । जर्मनी आँफु जित्दै आँफु अनुकुल नतिजा निकाल्ने लक्ष्यमा हुनेछ ।
जर्मनीसँग म्यानुएल नोएर, आर्मेल बेला कोचाप, माथिअस जिन्टर, क्रिस्टियन गन्टर, थिलो केहरर, लुकास क्लोस्टरम्यान, डेविड रम, एन्टोनियो रुडिगर, निको स्लोटरबेक, निकलस सुल, करिम एडेयमी, जुलियन ब्रान्ट, निकलस फुलक्रुग, सर्ज नाब्री, लिओन गोरेट्जका, मारियो गोट्जे, इल्काए गुन्डोगन, काइ हाभर्ट्ज, जोनास हफम्यान, जोशुवा किम्मिख, युसुफा मौकोको, जमाल मुसियाला, थोमस मुलर र लेरोय साने छन् ।
यि दुई टोली दोस्रोपटक खेल्न लागेको हो । यसअघि यि दुई टोलीबीच सन् २००६ को विश्वकपमा समूह चरणमै प्रतिस्पर्धा गर्दा जर्मनीले ४–१ को जित निकालेको थियो ।
त्यसपछि यि दुई टोली पहिलोपटक खेल्न लागेको हो । यस समूहमा स्पेन ४ अंक जोडेर शीर्षस्थानमा छ । जापान र कोस्टा रिकाको समान ३ अंक छ । जर्मनी १ अंक जोडेर पुछारमा छ ।
September 18, 2024
सुमन अधिकारी, बुटवल साविक विजेता भूपू सैनिक युवा क्लब ३६ औ संस्करणको पहिलो खेलबाटै बाहिरिएको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा रुपन्देही तिलोत्तमा नगरपालिका कुन्जलापुरस्थित उच्च माविको फुटबल मैदानमा बुधवार भएको उद्घाटन खेलमा गोर्खा ब्याईज क्लबले भूपूसैनिक युवा क्लबलाई ६-२ गोल अन्तरले पराजित गरेको हो । गोर्खा ब्वाइज क्लबले खेल […]
September 18, 2024
काठमाडौं (हाम्रो खेलकुद)- काठमाडौं जिल्ला स्तरीय नकआउट तथा लिग फुटबल प्रतियोगिताको पहिलो बुधवार कुर्दान फुटबल एकेडेमी र बुढानिलकण्ठ फुटबल एकेडेमी विजयी भएका छन्। सानो गौचरणमा भएको पहिलो खेलमा कुर्दानले त्रिशक्ति युवा क्लबलाई पेनाल्टी सुटआउटमा ३-१ ले हरायो। निर्धारित समय ३-३ को बराबरीपछि पेनाल्टी सुटआउटमा कुर्दानले बाजी मारेको हो । अर्को खेलमा बुढानिलकण्ठले जेएफए स्पोर्टसलाई २-० […]
September 18, 2024
काठमाडौं (हाम्रो खेलकुद) – एन्फा महिला लिगमा सुदूरपश्चिम प्रदेशले लगातार छैटौं हार बेहोरेको छ ।बुधवारको दोस्रो खेलमा सुदूर कर्णाली प्रदेशसॅंग ३-० गोल अन्तरले पराजित भयो । एन्फा कम्प्लेक्स सातदोबाटोमा भएको खेलमा कर्णालीलाई जित दिलाउन भुमिका बुढाथोकी, वर्षा ओली र गरिमा राईले गोल गरे । कर्णालीका लागि भुमिकाले २४औं मिनेटमा गोल गर्दै टिमलाई अग्रता दिलाइन् । […]