2 years ago
November 30, 2022
कतार (हाम्रो खेलकुद) – अर्जेन्टिनाका प्रशिक्षक लिओनेल स्कालोनीले दक्षिण अमेरिकी टोली ब्राजिल फिफा विश्वकप कतार २०२२ को नकआउट चरणमा प्रवेश गरेकोमा खुसी व्यक्त गरेका छन् ।
पोल्यान्डविरुद्ध समूह चरणको खेलअघि पत्रकार सम्मेलनमा बोल्दै स्कालोनीले ब्राजिलबारे आफ्नो अभिव्यक्ति दिएका हुन् । ‘ब्राजिलको लागि म खुसी छु । म दक्षिण अमेरिकी फुटबलको समर्थक हुँ । यदि अर्जेन्टिना भएन भने म दक्षिण अमेरिकी टोलीले विश्वकप जितेको हेर्न चाहन्छु,’ उनले भने, ‘ब्राजिलमा मेरा साथी छन् । उनीहरुले लगातार दुई खेल जितेका छन् र म बधाई दिन चाहन्छु ।’
पोल्यान्डविरुद्ध टोलीमा खेलाडी परिवर्तन हुन सक्ने भएपनि सुरुवातमा रणनीति भने परिवर्तन नहुने स्कालोनीले बताए । ‘मेक्सिकोविरुद्ध खेलमा हामीले ५ डिफेन्डरका साथ खेल अन्त्य गरेका थियौं । बुधबार खेलमा हामी पुरानो रणनीति अनुसार नै सुरु गर्नेछौं । त्यसपछि भने खेलको अवस्था अनुसार परिवर्तन हुनेछ,’ स्कालोनीले बताए ।
‘पोल्यान्डमा बलिया र अग्ला कदका खेलाडी मात्र छैनन्, उनीहरु प्राविधिक रुपमा खेल्ने र तीव्र छन् । उनीहरुलाई आफ्नो रणनीतिमा खेल्न राम्रोसँग आउँछ । विपक्षी अनुसार खेल परिवर्तन गर्न सक्छन् ।’
स्कालोनीले पछिल्लो दुवै खेलमा बेन्चबाट मैदान प्रवेश गर्दै राम्रो प्रदर्शन गरेका मिडफिल्डर एन्जो फर्नान्डेजले पनि खेल्न सक्ने बताए । ‘अन्य खेलाडी जस्तै एन्जोले पनि खेल्ने सम्भावना छ । दुवै खेलमा उनले बेन्चबाट आएर राम्रो खेलेका छन् । उनी विकल्प हुन् तर खेलाडीले सबै अवस्थामा तयार हुनुपर्छ,’ उनले टुंग्याए ।
समूह चरणको अन्तिम खेलमा पोल्यान्डविरुद्ध जित हासिल गर्दै अर्जेन्टिना नकआउट चरणमा प्रवेश गर्न चाहन्छ । आजको खेल बराबरी भएपनि अघि बढ्ने सम्भावना रहेको अर्जेन्टिना हारले भने बाहिरिनेछ । अर्को खेलमा आज नै मेक्सिको र साउदी अरेबिया खेल्नेछन् । दुवै खेल मध्यरात १२:४५ बजे हुनेछ ।
समूहको अंक तालिकामा पोल्यान्डको ४ अंक छ । अर्जेन्टिना र साउदी अरेबियाको ३-३ तथा मेक्सिको १ अंकमा छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]