2 years ago
November 30, 2022
एजेन्सी – एसियाली राष्ट्र कतारमा जारी फिफा विश्वकप २०२२ अन्तर्गत आज बुधबार समूह ‘सी’ र समूह ‘डी’ का अन्तिम राउन्डको खेलमा प्रतिस्पर्धा हुँदैछ ।
बुधबार समूह ‘डी’ मा रहेका ट्युनिसिया र फ्रान्स तथा अष्ट्रेलिया र डेनमार्कबीच प्रतिस्पर्धा हुनेछ । दुवै खेल नेपाली समयअनुसार राति ८ः४५ बजेपछि हुनेछ ।
अष्ट्रेलिया र डेनमार्कबीचको खेल अल जानौव रंगशालामा हुनेछ । यस खेलमा विजयी हुने टोली प्रि–क्वाटर फाइनलमा पुग्नेछ । यो समूहबाट अष्ट्रेलियालाई नकआउट चरणमा प्रवेश गर्न बराबरीको नतिजा पर्याप्त रहँदा डेनमार्कलाई जित बाहेक विकल्प छैन । बराबरी या हारले बाहिरिने सम्भावना रहँदा दुवै टोली स्पष्ट जितको लक्ष्यमा मैदान उत्रनेछ ।
अर्काे खेलमा ट्युनिसियाले फ्रान्सलाई हराएको अवस्थामा अष्ट्रेलिया र ट्युनिसियाबीच गोलअन्तरसँग हेड टु हेडको नतिजा हेरिनेछ । डेनमार्क र ट्युनिसियाले जितेको अवस्थामा यि दुई टोलीबीच नै गोल अन्तर र हेड टु हेडको नतिजामा अघिल्लो चरण पुग्ने टोलीको टुंगो लगाउनेछ ।
अष्ट्रेलियाले पहिलो खेलमा फ्रान्ससँग ४–१ ले पराजित हुँदा ट्युनिसियालाई १–० ले हराएको थियो । अष्ट्रेलियासँग म्याट रायन, अजिज बेहिच, नथानिएल एट्किन्सन, फ्रान कराचिच, काए रोवल्स, ह्यारी सटर, बेली राइट, मिलोस डेगेनेक, थोमस डेङ्ग, जोएल किंग, आरोन मोय, ज्याकसन अर्भाइन, एजडिन हर्स्तिच, राइली मक्ग्री, किनु बाकस, क्यामरन डेभ्लिन, म्याथ्यु लेकी, अवेर माविल, जेमी मक्लारेन, मिचेल ड्युक, मार्टिन बोयल, क्रेग गुडविन, जेसन कमिंगग्स र गारांग कोल रहेका छन् ।
यता, डेनमार्क ट्युनिसयासँग गोलरहित बराबरीमा रोकिदा फ्रान्ससँग २–१ ले पराजित भएको थियो । समूहमा डेनमार्क पहिलो जित निकाल्दै समूह चरण पार गर्ने योजनामा मैदान उत्रनेछ । । सन् २०२१ मा भएको युरो २०२० मा डेनमार्कले सनसनीपूर्ण प्रदर्शन गर्दै सेमिफाइनलसम्मको यात्रा तय गरेको थियो । अन्डर डग टोलीको रुपमा हेरिएको डेनमार्कले यस विश्वकपमा भने अपेक्षाकृत प्रदर्शन गर्न सकेको छैन ।
डेनमार्कसँग कास्पर स्माइकल, सिमोन केयर, जोचिम एन्डरसन, जोआकिम माहल, आन्द्रेस क्रिस्टेन्सन, ड्यानीएल वास, एलेक्जेन्डर बाह, थोमस डिलेनी, माथिअस जेन्सन, क्रिस्टियन एरिक्सन, क्रिस्टियन नोर्गार्ड, रोबर्ट स्कोभ, पिएर एमिल होएबिएर, आन्द्रेस स्कोभ ओल्सन, जेस्पर लिन्डस्टम, आन्द्रिएस कोर्नेलिएस, मार्टिन ब्रेथवेट, कास्पर डोलबर्ग, मिकेल डाम्सगार्ड, जोनास विन्ड र युसुफ पल्सेन रहेका छन् ।
यि दुई टोली हालसम्म चारपटक खेलेका छन् । डेनमार्क दुई खेलमा विजयी हुँदा अष्ट्रेलियाले एक खेल जितेको छ । एक खेल बराबरीमा सकिएको छ । पछिल्लोपटक यि दुई टोलीले सन् २०१८ को विश्वकपमा समूह चरणमै प्रतिस्पर्धा गर्दा खेल १–१ गोलको बराबरीमा सकिएको थियो ।
September 29, 2024
एजेन्सी – स्पेनिस ला लिगामा क्याटलान क्लब बार्सिलोना ओसासुनासँग स्तब्ध बनेको छ । घरेलु मैदानमा ओसासुनाले यो सिजन सानदार सुरुवात गरेको बार्सिलोनालाई ४–२ ले स्तब्ध पारेको हो । ला लिगामा यो सिजन सानदार सुरुवात गरेको बार्सिलोनाको पहिलो हार हो । यससँगै यो सिजनको ला लिगामा बार्सिलोनाको आठौं खेलमा अपराजित यात्रामा पुर्णविराम लागेको छ । यसअघि […]
September 28, 2024
एजेन्सी – कोल पाल्मेरको ४ गोल सहयोगमा चेल्सीले इङ्ग्लिस प्रिमियर लिग(इपिएल)मा जित हासिल गरेको छ । चौथो जित निकाल्नेक्रममा चेल्सीले ब्राइटनलाई ४-२ ले हराएको हो । घरेलु मैदान स्ट्यामफोर्ड ब्रिजमा शनिबार भएको खेलमा चेल्सीका पाल्मेरले २१औं, २८औं र ३१औं मिनेटमा गोल गर्दै ह्याट्रिक पूरा गरे। खेलमा अगता भने ब्राइटनले लिएको थियो । जर्जिनियो रुटरको गोलमार्फत […]
September 28, 2024
एजेन्सी –इङ्ग्लिस प्रियिमर लिग(इपिएल)को शीर्ष स्थानमा रहेको म्यानचेस्टर सिटीले लगातार दोस्रो बराबरी खेलेको छ । लगातार दोस्रो बराबरी खेल्ने क्रममा साविक विजेता सिटी शनिवार न्युक्यासल युनाइटेडसँग १-१ को बराबरीमा रोकिएको छ । न्युकासलको घरेलु मैदानमा भएको खेलमा सिटीका लागि जेस्को जिभार्डियोल र न्युक्यासल एन्थोनली गोर्डनले गोल गरे । खेलमा अग्रता भने सिटीले लिएको थियो । […]
