2 years ago
November 29, 2022
कतार (हाम्रो खेलकुद) – फिफा विश्वकप कतार २०२२ अन्तर्गत समूह ए को अन्तिम खेलमा नेदरल्यान्ड्सले कतारको सामना गर्दैछ । प्रशिक्षक लुइस भान गालले खेलका लागि सुरुवाती ११ घोषणा गरेका छन् ।
लगातार तेस्रो खेलमा डच टोलीका लागि मिडफिल्डमा फ्रेन्की डे जोङसँग नयाँ खेलाडी सुरुवात गर्ने भएका छन् । कतारविरुद्ध डे जोङसँग मार्टेन डे रुनले अवसर पाएका छन् । नम्बर १० को भूमिकामा डेभि क्लासेन देखिनेछन् । डिफेन्समा निकै बलियो मानिएको डच टोलीको मिडफिल्डमा भने कमजोर प्रदर्शन रहेको छ । विशेषगरी रक्षात्मक भूमिकामा टोलीले संघर्ष गर्दै आएको छ ।
यसअघि इक्वेडरविरुद्ध दोस्रो खेलमा प्रशिक्षक भान गालले टेउन कुपमेनर्सलाई मिडफिल्डमा डे जोङसँग खेलाएका थिए । उनको स्थानमा ७९ औं मिनेटमा डे रुन मैदान छिरेका थिए । आजको खेलमा उनले सुरुवात गर्दैछन् ।
त्यस्तै प्रतियोगिताको पहिलो खेलमा स्टिभन बर्घिअसले डे जोङसँग मिडफिल्ड सम्हाल्ने जिम्मेवारी पाएका थिए । ७९ औं मिनेटमा बर्घिअसको स्थानमा कुपमेनर्स मैदान छिरेका थिए । दोस्रो खेलमा कुपमेनर्सले सुरुवात गर्ने अवसर पाएका थिए ।
लगातार मिडफिल्डमा परिवर्तन गरेको नेदरल्यान्ड्सले आक्रमणमा भने कोडी गाक्पोसँग मेम्फिस डिपाएलाई उतारेको छ । डिपाए अघिल्लो खेलमा दोस्रो हाफमा मैदान छिरेका थिए । विंगब्याकमा डेली ब्लिन्ड र डेन्जल डम्फ्रिज नियमित रहँदा अघिल्लो खेलका जुरीएन टिम्बर, भर्जिल भान डाइक र नाथन आके सुरुवाती रोजाइमा छन् । गोलरक्षक एन्द्रिज नोपर्ट नै खेलेका छन् ।
नेदरल्यान्ड्स र इक्वेडर ४ अंकसहित अघि बढ्ने लक्ष्यमा छन् । सेनेगलको ३ अंक छ भने कतार विना अंक प्रतियोगिताबाट बाहिरिसकेको छ ।
सुरुवाती ११ :
नेदरल्यान्ड्स : एन्द्रिज नोपर्ट, डेली ब्लिन्ड, डेन्जल डम्फ्रिज, जुरीएन टिम्बर, भर्जिल भान डाइक, नाथन आके, फ्रेन्की डे जोङ, मार्टेन डे रुन, डेभि क्लासेन, कोडी गाक्पो, मेम्फिस डिपाए
कतार : मेशाल बार्स्हम, पेड्रो मिगुएल, अब्देलकरीम हासान, अब्दुलअजिज हातेम, हसान अलहेदोस, आक्रम अफिफ, होमाम अहमद, बौलेम खुखी, इस्माइल मोहमद, अल्मोएज अली, असिम मदिबो
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]