2 years ago
November 29, 2022
एजेन्सी – एसियाली राष्ट्र कतारमा जारी फिफा विश्वकप २०२२ को समूह चरणको अन्तिम खेलमा इंग्ल्यान्डले वेल्ससँग खेल्दैछ । खेल राति १२ः४५ बजेपछि अहमेद विन अली रंगशालामा हुनेछ ।
यही समयमा इरान र अमेरिकाबीच प्रतिस्पर्धा हुनेछ । समूह ‘बी’ को शीर्षस्थानमा रहेको इंग्ल्यान्ड वेल्सलाई पराजित गर्दै शीर्षस्थानमा रहेका नकआउट चरणमा पुग्ने लक्ष्यमा हुनेछ ।
यस समूहबाट सबै चारै टोलीको नकआउट चरण पुग्ने सम्भाावना छ । यद्यपि तुलनात्मक रुपमा इंग्ल्याण्ड र इरानको सम्भावना अलि बढी छ । इंग्ल्यान्डको ४, इरानको ३, अमेरिकाको २ र वेल्सको १ अंक छ ।
पहिलो खेलमा एसियाली राष्ट्र इरानमाथि ६–२ को फराकिलो जित निकालेको इंग्ल्यान्ड दोस्रो खेलमा भने अमेरिकासँग गोलरहित बराबरीमा रोकिएको थियो । अमेरिकासँगको बराबरीको नतिजा बिर्सदै इंग्ल्यान्ड वेल्सविरुद्ध मैदान उत्रनेछ । इंग्ल्यान्डलाई वेल्सविरुद्ध बराबरीको नतिजा पनि पर्याप्त हुनेछ । वेल्सलाई पराजित गरेमा इंग्लयाण्ड समूह विजेता नै बन्नेछ ।
टोलीसँग जोर्डन पिकफर्ड, ह्यारी मगाएर, लुक शा, एरिक डाएर, जोन स्टोन्स, काइल वाल्कर, काइरान ट्रिपिएर, कनर कोडी, बेन ह्वाइट, ट्रेन्ट एलेक्जेन्डर आर्नोल्ड, जुड बेलिंघम, मेसन माउन्ट, कनर ग्यालाघर, डेक्लन राइस, जोर्डन हेन्डरसन, काल्भिन फिलिप्स, जेम्स म्याडिसन, फिल फोडेन, ज्याक ग्रिलिस, ह्यारी केन, बुकायो साका, रहिम स्टर्लिङ, क्यालम विल्सन र मार्कस रासफर्डको साथ रहेको छ ।
वेल्सका लागि भने इंग्ल्याण्डलाई हराउनुको विकल्प छैन र अर्को खेलको नतिजा पनि आफू अनुकल आउनुपर्नेछ । त्यसकारण इंग्ल्यान्ड समूह चरण पार गर्न इंग्ल्यान्डमाथि स्तब्धपूर्ण नतिजा निकाल्ने लक्ष्यमा हुनेछ ।
वेल्ससँग ड्यानी वार्ड, नेको विलियम्स, बेन डेभिस, बेन काबांगो, जो रोडोन, क्रिस मेफाम, इथान एम्पाडु, क्रिस गन्टर, कनर रोबर्ट्स, आरोन राम्जी, जो एलेन, ह्यारी विल्सन, जो मोरेल, डिलन लेभिट, रुबेन कोलविल, जोनी विलियम्स, म्याथ्यु स्मिथ, ग्यारेथ बेल, ड्यान जेम्स, किफ मूर, मार्क ह्यारिस र ब्रेनन जोन्सन रहेका छन् ।
यि दुई टोली हालसम्म १०३ पटक भिडेका छन् । जसमा इंग्ल्यान्डले ६८ खेल जितेको छ । २१ खेल बराबरीमा सकिदा १४ खेल वेल्सले जितेको छ ।
इंग्ल्यान्डले सन् १९८४ मा बृटिश होम च्याम्पियनसिपमा वेल्ससँग १–० ले पराजित भएयताको सबै ६ खेलमा शतप्रतिशत जित निकालेको छ । पछिल्लोपटक यि दुई टोलीले २०२० मा मैत्रीपूर्ण खेलमा इंग्ल्यान्ड ३–० ले विजयी भएको थियो ।
January 15, 2025
सुमन अधिकारी,बुटवल आयोजक फर्साटिकर फुटबल क्लबले शुद्धोधन गाउँपालिका १२ औँ फर्साटिकर कप फुटबल प्रतियोगिताको उपाधि जितेको छ । फाइनलमा नवलपुरको अभिषेक चर्च व्वाइज फुटबल क्लबलाई बुधवार ट्राइबेकरमा पराजित गर्दै फर्साटिकरले उपाधि जितेको हो। निर्धारित ९० मिनेटको खेल २-२ गोलको बराबरी सकिएपछि खेल ट्राइब्रेकरमा गएको थियो । फर्साटिकरले २-० को अग्रता जोगाउन नसकेपछि उपाधिका लागि टाइब्रेकर […]
January 15, 2025
अर्जुन कार्की, बागलुङ जिल्ला प्रहरी कार्यालय बागलुङ र संकल्प पुर्नस्थापना केन्द्र बुधवार बागलुङमा जारी दोस्रो स्मृति कप फुटबल प्रतियोगिताको सेमिफाइनलमा प्रवेश गरेका छन् । प्रहरीले नेपाली सेनाको श्रीमेहर गणलाई ३-१ र संकल्पले नेपाली सेनाकै नारायण दल गण मुस्ताङलाई ट्राइबेकरमा पराजित गर्दै सेमिफाइनलको यात्रा तय गरेका हुन् । राष्ट्रिय खेलाडीसहित मैदान उत्रिएको प्रहरीको लागि खेलको पाँचौं […]
January 15, 2025
काठमाडौं(हाम्रो खेलकुद) – एन्फा राष्ट्रिय महिला लिगअन्तर्गत अन्तिम चरणमा विभागीय टोली एपिएफ फुटबल क्लबले बागमती युवा क्लबविरुद्ध सहज जित हासिल गरेको छ । सातदोबाटोस्थित एन्फा कम्प्लेक्समा बुधवार भएको खेलमा एपिएफले बागमतीलाई ६-० ले हरायो ।एपिएफको जितमा सरु लिम्बु र रश्मिकुमारी घिसिंङले समान २ र प्रीति राईले १ गोल गरिन् । बागमतीले २ आत्मघाती गोल गर्यो […]
