2 years ago
November 29, 2022
कतार (हाम्रो खेलकुद) – ब्रुनो फर्नान्डेसको दुई गोलमा पोर्चुगलले उरुग्वेलाई पराजित गर्दै फिफा विश्वकप कतार २०२२ मा दोस्रो जित दर्ता गर्यो । समूह एच को शीर्षस्थानमा उक्लेको पोर्चुगलले नकआउट चरणमा स्थान पनि पक्का गर्यो ।
उरुग्वेविरुद्ध खेलमा पोर्चुगलका लागि सुरुवाती अग्रता ब्रुनो फर्नान्डेसले दिलाएका थिए । तर उनको गोलको चर्चामा क्रिस्टियानो रोनाल्डोको नाम जोडियो । कारण सुरुवातमा गोलका लागि रोनाल्डोले खुसियाली मनाएका थिए । तर फिफाले रिभ्यु गर्दै गोलमा रोनाल्डोले नछोएको र ब्रुनोको गोल भएको निर्णय दियो ।
खेलपछि बोल्दै प्रशिक्षक फर्नान्डो सान्तोसले आफूलाई जसले गोल गरेपनि मतलब नहुने बताए । ‘हाम्रो टिमले राम्रो प्रदर्शन गर्यो । लगातार जित निकाल्दै अघि बढेका छौं । अबको ध्यान अर्को खेलमा हुनेछ । गोल कसले गर्यो भन्नेमा मलाई मतलब छैन,’ सान्तोसले हाँस्दै भने ।
प्रशिक्षक सान्तोसले ब्रुनो र रोनाल्डो मात्र नभएर खेलमा अन्य खेलाडीको पनि उत्तिकै योगदान रहेको बताए । ‘ब्रुनो राम्रा खेलाडी हुन् । उनले गोल गरे र हामी जित्यौं । तर खेलमा सबैको योगदान हुन्छ । गोलरक्षक कोस्टाले दुई उत्कृष्ट बचाउ गरे, उनको पनि महत्त्व छ । सबैले एकजुट भएर खेलेको हो,’ उनले थपे ।
पोर्चुगल समूह चरणबाट पार हुने पक्का भइसकेको छ । अन्तिम खेलमा दक्षिण कोरियाका लागि कस्तो टोली छनोट हुन्छ भन्ने प्रश्नमा सान्तोसले बलियो टोली नै उतार्ने बताए । ‘हामी अर्को चरणमा पुगेका छौं तर अझैपनि शीर्षस्थान पक्का भएको छैन । हामी शीर्षस्थानमा नै रहन चाहन्छौं र त्यसै अनुसार अर्को खेलको लागि तयारी हुनेछ । एक दुई खेलाडी परिवर्तन गर्ने सम्भावना हुन्छ तर दोस्रो रोजाइ भन्ने हुँदैन,’ उनले भने ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]