एजेन्सी – फिफा विश्वकप कतार २०२२ अन्तरगत समूह ‘एफ’ को खेलमा २०१८ को उपविजेता क्रोएसिया र क्यानडा आमाने–सामाने हुँदैछन् ।

क्रोएसिया र क्यानडाबीचको खेल खलिफा रंगशालामा राति ९ः४५ बजेपछि हुनेछ । दुवै टोली मैदान उत्रदा पहिलो जित निकाल्दै समूह चरण पार गर्ने लक्ष्यमा रहनेछ । क्रोएसिया पहिलो खेलमा मोरक्कोसँग गोलरहित बराबरीमा रोकिदा अलफन्सो डेभिस पेनाल्टीमा चुक्दा क्यानडाले बेल्जियमसँग १–० को हार बेहारेको थियो ।

क्रोएसिया र क्यानडा पहिलो पटक खेल्न लागेका हुन् । यो खेलले नै यि दुई टोलीमध्येबाट समूह एफबाट अघिल्लो चरण पुग्ने टोलीको टुंगो लाग्न सक्नेछ । क्रोएसियाले सन् १९९८ मा पहिलोपटक विश्वकप खेल्दा कोन्काफ टोली जमैकाविरुद्ध ३–१ को जित निकालेको थियो । तर, पछिल्ला दुवै संस्करणमा क्रोएसियाले कोन्काफ टोली मेक्सिकोसँग २००२ मा १–० र २०१४ मा ३–१ ले पराजित भएको थियो । यद्दपि क्रोएसियाले क्यानडासँग पहिलो खेल्दैछ ।

क्यानडाको यो फिफा विश्वकपमा पाँचौं खेल मात्र होइन तर युरोपेली प्रतिद्धन्द्धीविरुद्ध पनि पाँचौ खेल हा् । क्यानडाले १९८६ मा फ्रान्स, हंगेरी र सोभियत संघसँग खेल्दा तीनमै हार र यसपटक बेल्जियमसँग हार बेहारिसकेको छ । क्रोएसियाले आफ्नो पछिल्लो १७ अन्तर्राष्ट्रिय खेलमध्ये एकमा मात्र हार बेहोरेको छ । जसमा ११ जित, ५ बराबरी र एक हारको नतिजा छ ।

क्रोएसिया विश्वकपका समूह चरणमा चार खेलमा अपराजित छ । जुन समूह चरणमा हारविना क्रोएसियाको लामो दौड हो । विश्व कपको इतिहासमा यो क्यानाडाको पाँचौं खेल हो, ती सबै युरोपेली राष्ट्रविरुद्ध नै रहेको छ ।

क्रोएसियाले विश्वकपमा २४ खेल खेल्दा ११ जित, ५ बराबरी र ८ हारको नतिजा निकालेको छ । क्यानडाले भने खेलेको सबै चार खेलमा हार बेहोरेको छ । विश्वकपमा क्यानडा पहिलो जितको खोजीमा हुनेछ ।

क्रोएसियासँग डोमिनिक लिभाकोभिच, डेजान लोभ्रेन, बोरना सोसा, जोस्को भार्डीओल, जोसिप जुरानोभिच, लुका मोड्रीच, मटियो कोभाचिच, मार्सेलो ब्रोजोभिच, मारियो पासालीच, निकोला भ्लासिच, इभान पेरिसिच र आन्द्रे क्रामारिच रहेका छन् ।

क्यानडासँग मिलान बोर्जनसँगै कमल मिलर, जोएल वाटरम्यान, डेरेक कर्नेलियस, एलिस्टेएर जोनस्टन र रिची लारेआ, एटिबा हचिन्सन, साम पिएट, लियाम फ्रासेर, अल्फन्सो डाभिस, जोनाथन डेभिड र लियाम मिलरलगायतको खेलाडीको साथ छ ।