एजेन्सी – फिफा विश्वकप कतार २०२२ अन्तर्गत आज (शनिबार) विभिन्न चार खेलमा प्रतिस्पर्धा हुँदैछ । शनिबार समूह ‘सी’ र समूह ‘डी’ का समान दुई खेलहरू हुनेछन् ।

आज हुने पहिलो खेलमा ट्युनिसिया र अष्ट्रेलियाबीच प्रतिस्पर्धा हुनेछ । ट्युनिसिया र अष्ट्रेलियाबीचको खेल नेपाली समय अनुसार दिउँसो ३ः४५ बजेपछि अल जानौव रंगशालामा हुनेछ ।

दुवै टोली पहिलो जितको खोजीमा हुनेछन् । डेनमार्कसँग गोलरहित बराबरी खेलेको ट्युनिसिया एसियाली प्रतिद्धन्छीलाई हराएर नकआउट चरण पुग्ने सम्भावना बलियो बनाउन चहान्छ । यता अस्ट्रेलिया पनि जित निकाल्दै अघिल्लो चरण प्रवेशको सम्भावना जीवित राख्ने योजनामा छ । अष्ट्रेलिया पहिलो खेलमा फ्रान्ससँग ४–१ ले पराजित भएको थियो ।

दुवै राष्ट्रहरु आफ्नौ छैटौं सहभागितामा तेस्रो जितको खोजीमा हुनेछ । दुवैले आफ्नो समुहको दोस्रो खेलमा जित निकाल्न सकेका छैनन् । ट्युनिसिया पहिलोपटक समूह चरण पार गर्ने लक्ष्यमा छ ।

यता, पछिल्लोपटक सन् २००६ मा नकआउट चरणमा पुगेको अष्ट्रेलियाले सन् २०१० मा सर्बियालाई २–१ ले पराजित गरेपछि प्रतियोगितामा पहिलो जितको खोजीमा हुनेछ ।

यि दुई टोलीबीच दुईपटक भेट हुँदा पछिल्लोपटक सन् २००५ मा भएको कन्फेडेरेसन कपमा ट्युनिसियाले २–० को जित निकालेको थियो । त्यसयता यि दुई टोलीले पहिलोपटक खेल्न लागेको हो । ट्युनिसियाले एसियाली प्रतिद्धन्द्धीविरुद्धको पछिल्लो ५ खेलमध्ये ५ खेल जितेको छ । ट्युनिसियाले विश्वकपमा १७औं खेल खेल्दा अष्ट्रेलिया १५औं फरक प्रतिद्धन्द्धी टोली हो ।

ट्युनिसियाले विश्वकपमा १६ खेल खेल्दा २ जित, ५ बराबरी र ९ हारको नतिजा निकालेको छ । यता, अष्ट्रेलियाले १७ खेल खेल्दा २ जित, ४ बराबरी र ११ हारको नतिजा निकालेको छ ।

ट्युनिसियासँग युसुफ साक्नी, इसाम जेबाली, अनिस बेन स्लिमाने, अलि अब्दी, आइस लाइदुनी, मोहमद ड्रागर, यासिन मेरिआ, डिलान ब्रोन र गोलरक्षक एमेन दाहमेन रहेका छन् ।

अष्ट्रेलियासँग अजिज बेहिच, काए रोवल्स, ह्यारी सटर, नथानिएल एट्किन्सन, आरोन मोय, ज्याकसन अर्भाइन, राइली मक्ग्री, अवेर माविल, जेमी मक्लारेन, मिचेल ड्युक, मार्टिन बोयल र क्रेग गुडविन रहेका छन् ।

गाराङ कोल (१८ वर्ष ६८ दिन) अस्ट्रेलियाका लागि विश्वकप खेल्ने सबैभन्दा कान्छो खेलाडी र विश्वकपको इतिहासमा समग्रमा नवौं कान्छो खेलाडी बनेका छन् । गाेलरक्षक म्याथ्यु रायन र फरवार्ड म्याथ्यू लेकीले अष्ट्रेलियाका अनुभवी खेलाडी हुन् । उनीहरुले अष्ट्रेलियाबाट सात खेल खेलिसकेका छन् । मार्क ब्रेसियानो र टिम काहिलले विश्वकपमा ९ खेल खेलिसकेका छन् ।