2 years ago
November 23, 2022
कतार (हाम्रो खेलकुद) – फिफा विश्वकप कतार २०२२ अन्तर्गत समूह ई को खेलमा जर्मनीले जापानको सामना गर्दैछ । खेल नेपाली समयअनुसार साँझ ६:४५ बजे खलिफा अन्तर्राष्ट्रिय रंगशालामा हुनेछ ।
अघिल्लो संस्करणमा समूह चरणबाट बाहिरिएको जर्मनी आफ्नो पुरानो छवी पुन: कायम गर्ने प्रयासमा हुनेछ । रुसमा दक्षिण कोरियासँग पराजित हुँदै जर्मनी इतिहासमै पहिलो पटक समूह चरणबाट बाहिरिएको थियो । जर्मनी २० औं पटक विश्वकपमा सहभागी हुँदैछ । ४ पटक उपाधि जितेको टोली ब्राजिलको ५ पटक उपाधि जित्ने कीर्तिमान बराबरी गर्न चाहन्छ ।
जापान लगातार सातौं पटक विश्वकप खेल्दैछ । जापानी टोलीका ८ खेलाडी जर्मन लिगमा खेल्ने हुनाले पनि एक अर्कासँग अधिकांश खेलाडी परिचित छन् । जापानले युरोपेली राष्ट्रविरुद्ध समूह चरणमा खेलेको पछिल्ला ७ मध्य २ मात्र हारेको छ । यसक्रममा ३ खेल बराबर र २ खेलमा जापान विजयी भएको छ ।
जापान र जर्मनीबीच विश्वकपमा पहिलो भेट हुन लागेको हो । यसबाहेक मैत्रीपूर्ण खेलमा भने दुई पटक खेलेका छन् । जर्मनीले १ खेल जित्दा अर्को खेल बराबरीमा सकिएको छ । सन् २००६ मा भएको मैत्रीपूर्ण खेल २-२ को बराबरीमा सकिएको थियो ।
जर्मनीले विश्वकपमा १ सय ९ खेल्ने क्रममा ६७ जित, २० बराबरी र २२ हार बेहोरेको छ । यता जापानले २१ खेलमा ५ जित र ५ बराबरी निकाल्दा ११ खेलमा पराजित भएको छ ।
टोलीहरु :
जर्मनी :
गोलरक्षक : म्यानुएल नोएर, मार्क आन्दर टेर स्टेगन, केभिन ट्रयाप
डिफेन्डर : आर्मेल बेला कोचाप, माथिअस जिन्टर, क्रिस्टियन गन्टर, थिलो केहरर, लुकास क्लोस्टरम्यान, डेविड रम, एन्टोनियो रुडीगर, निको स्लोटरबेक, निकलस सुल
मिडफिल्डर/फरवार्ड : करीम एडेयेमी, जुलियान ब्रान्ट, निकलस फुलक्रुग, सर्ज नाब्री, लिओन गोरेट्जका, मारियो गोट्जे, इल्काए गुन्डोगन, काइ हाभर्ट्ज, जोनास हफम्यान, जोशुवा किम्मिख, युसुफा मौकोको, जमाल मुसियाला, थोमस मुलर, लेरोय साने
जापान:
गोलरक्षक : सुइची गोन्डा, ड्यानीएल स्मिट, एजी कावाशिमा
डिफेन्डर : मिकी यामाने, हिरोकी साकाइ, माया योशिडा, ताकेहिरो तोमियासु, शोगो तानीगुचि, को इताकुरा, हिरोकी इटो, युटो नागाटोमो
मिडफिल्डर : वातारु इन्डो, हिदेमासा मोरिता, आओ तानका, गाकु शिवासाकी, काओरु मितोमा, दाइची कामाडा, रित्सु डोआन, जुन्या इटो, ताकुमी मिनामिनो, ताकेफुसा कुबो, युकी सोमा
फरवार्ड : डाइजेन माएडा, ताकुमा असानो, अयेसा उएडा, शुतो माचिनो
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]