2 years ago
November 23, 2022
कतार (हाम्रो खेलकुद) – फिफा विश्वकप कतार २०२२ अन्तर्गत समूह चरणको खेलमा एक पटकको उपाधि विजेता स्पेनले कोस्टारिकाको सामना गर्दैछ । खेल नेपाली समयअनुसार रातको ९:४५ बजे अल थुमामा रंगशालामा हुनेछ ।
सन् २०१० को विजेता स्पेन लगातार १२ औं पटक विश्वकपमा सहभागिता जनाइरहेको छ । हालसम्म १६ पटक विश्वकप खेलेको स्पेन युरोपबाहिर विश्वकप जित्ने पहिलो युरोपेली टोली बनेको थियो । स्पेनले विश्वकपमा हालसम्म ९९ गोल गरेको छ । कोस्टारिकाविरुद्ध स्पेन गोलको शतक पूरा गर्दै जित दर्ता गर्ने लक्ष्यमा हुनेछ ।
कोस्टारिका इतिहासमा पहिलोपटक लगातार तीन संस्करण विश्वकप खेल्दैछ । समग्रमा छैटौं पटक विश्वकप खेल्दै गरेको कोस्टारिका कतार विश्वकपमा छनोट हुने अन्तिम टोली थियो । हालसम्म कोस्टारिकाको उत्कृष्ट नतिजा सन् २०१४ मा क्वाटरफाइनल पुग्नु हो ।
स्पेन र कोस्टारिकाबीच विश्वकपमा पहिलो पटक भेट हुँदैछ । अन्तर्राष्ट्रिय मैत्रीपूर्ण खेलमा भने दुई टोलीले ३ पटक खेलेका छन् । स्पेन दुई खेलमा विजयी हुँदा एक खेल भने बराबरीमा सकिएको छ । पछिल्लो पटक सन् २०१७ मा यी दुई खेल्दा स्पेनले ५-० को सहज जित दर्ता गरेको थियो ।
कन्काकाफ क्षेत्रको प्रतिद्वन्द्वीविरुद्ध स्पेनले पछिल्लो ४ खेलमा ३ जित र १ बराबरीको नतिजा निकालेको छ । यता कोस्टारिकाले विश्वकपमा खेलेको ५ मध्य तीन जित युरोपेली टोलीविरुद्ध नै छ ।
हालसम्म स्पेनले विश्वकपमा ६३ खेल खेल्दा ३० जित, १५ बराबरी र १८ हार बेहोरेको छ । यता कोस्टारिकाले १८ खेलमा ५ जित, ५ बराबरी र ८ हारको नतिजा निकालेको छ ।
अन्तिम टोलीहरु:
स्पेन :
गोलरक्षक : उनाइ सिमोन, रोबर्ट सान्चेज, डेविड राया
डिफेन्डर : सेजार एज्पिलीक्वेटा, ड्यानी कार्भाजल, एरिक गार्सिया, ह्युगो गुइलामोन, पाउ टोरेस, एमेरिक लापोर्ट, जोर्डी अल्बा, आल्हान्द्रो बाल्डे (घाइते जोसे गयाको स्थानमा)
मिडफिल्डर : सर्जियो बुस्केट्स, रोड्री, गाभी, कार्लोस सोलेर, मार्कस लोरेन्टे, पेड्री, कोके
फरवार्ड : फेरान टोरेस, निको विलियम्स, येरेमी पिनो, अल्भारो मोराटा, मार्को एसेन्सियो, पाब्लो सराबिया, ड्यानी ओल्मो, अन्सु फाती
कोस्टारिका :
गोलरक्षक : केलर नाभास, एस्टेबान अल्भाराडो, प्याट्रिक सेकेरा
डिफेन्डर : फ्रान्सिस्को काल्भो, जुआन पाब्लो भार्गास, केन्डल वास्टन, ओस्कार डुआर्टे, ड्यानीएल चकन, केयसर फुलर, कार्लोस मार्टिनेज, ब्रायन ओभिएडो, रोनाल्ड मातारिता
मिडफिल्डर : येल्सिन तेजेडा, सेल्सो बोर्जेस, युस्तिन सालास, रोआन विल्सन, जेर्सन टोरेस, डग्लस लोपेज, जेविसन बेनेटे, अल्भारो जामोरा, एन्थोनी हर्नान्डेज, ब्रेन्डन अगिलेरा, ब्रायन रुइज
फरवार्ड : जोएल क्याम्पबेल, एन्थोनी कोन्ट्रेरास, योहान भेनेगास
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]