2 years ago
November 20, 2022
एजेन्सी – फ्रान्सका स्टार फरवार्ड करिम बेन्जेमा आज (आइतबार) देखि शुरु हुने फिफा विश्वकप कतार २०२२ बाट बाहिरिएका छन् ।
प्रशिक्षण दौरान तिघ्रामा चोट लागेपछि बेन्जेमा विश्वकप गुमाउने अर्का ठुला नाम हुन् । क्रिस्टोफर एनकुन्कु पनि बाहिरिएका छन् । उनको स्थानमा रान्डल कोलो मुआनीलाई टोलीमा समावेश गरिएको छ ।
चोटकै कारण मिडफिल्डर पउल पोग्बा र एङ्गोलो कान्टे पनि टोलीमा छैनन् । डिफेन्डर राफायल भरान पूनरागमनको प्रयासमा छन् । फ्रान्स फुटबल फेडेरेसन (एफएफएफ) ले उनलाई तिघ्रामा समस्या भएको र प्रतियोगितामा सहभागी हुन नसक्ने बताएको छ ।
‘सम्पूर्ण टोलीले करिमको दुःख साझा गर्दछ र उहाँको शीघ्र स्वास्थ्यलाभको कामना गर्दछ ।’ विज्ञप्तिमा उल्लेख छ ।एमआरआई स्क्यानले तिघ्राको मांसपेशीमा चोट लागेको पुष्टि गरेको छ । यो पूर्ण रुपमा ठीक हुन कम्तीा तीन साता लाग्नेछ ।
फ्रान्सका लागि ९७ खेलमा ३७ गोल गरेका ३४ वर्षीय बेन्जेमाको चोट विश्वकपका लागि अर्को झट्का हो । बेन्जेमाको विकल्पमा एन्थोनी मार्सियाल रहने सम्भावना छ । चोटकै कारण बेन्जेमाले यो सिजन धेरै खेल खेलेका छैनन् ।
गत सातादेखि टोलीसँगै प्रशिक्षणमा रहेका बेन्जेमाले शनिबार प्रशिक्षणमा चोट बोकेका थिए । त्यसपछि बेन्जेमाले चिकित्सा परीक्षण गराएका थिए ।
‘म करिमको लागि धेरै दुखी छु जसले यो विश्वकप गुमाउनेछन् ।’ डेसच्याम्प्सले भने, यस नयाँ झट्काको बाबजुद पनि, मलाई मेरो समूहमा पूर्ण विश्वास छ । हामीले पर्खिरहेको ठूलो चुनौतीलाई सामना गर्न हामी सबै गर्नेछौं ।’
गत सिजन रियल म्याड्रिडलाई च्याम्पियन्स लिग र ला लिगा जिताएका बेन्जेमाले २०२२ को बालोन डी’ओर र वर्षको उत्कृष्ट खेलाडी बनेका थिए ।
समूह डी मा फ्रान्सले नोभेम्बर २२ मा अष्ट्रेलिया, २६ नोभेम्बरमा डेनमार्क र ३० नोभेम्बरमा ट्युनिसियासँग खेल्नेछ ।
February 5, 2025
हिमाल खरेल, भद्रपुर दोस्रो भद्रपुर झापा गोल्डकप २०८१ र सौर्य एअरलाइन्स तथा भद्रपुरको ओम साई पाथिभरा हस्पिटलबीच मुख्य प्रायोजक (टाइटल स्पोन्सर) का रुपमा सम्झौता भएको छ । समझौतापछि अब ‘सौर्य एअरलाइन्स तथा ओम साई पाथिभरा हस्पिटल भद्रपुर झापा गोल्डकप’ को रुपमा प्रतियोगिता सञ्चालन हुनेछ । यो संस्करण गोल्डकप कार्यसमितिका पूर्वसदस्य तथा पूर्वराष्ट्रिय खेलाडी गम्भीर राईको […]
February 5, 2025
पोखरा (हाम्रो खेलकुद)- मछिन्द्र फुटबल क्लब पोखरामा जारी २४ औं आरा! रारा गोल्डकप फुटबल प्रतियोगिताको क्वाटरफाइनलमा प्रवेश गरेको छ। पोखरा रंगशालामा बुधवार भएको दोस्रो प्रि क्वाटरफाइनलमा विभागीय टोली एपिएफ फुटबल क्लबलाई २-० गोल ले हराउँदै मछिन्द्र अन्तिम आठमा पुगेको हो। मच्छिन्द्रलाई जित दिलाउन आदित्य शाक्य र स्टेफेन कामाहाले गोल गरे। दोस्रो दिन अर्को पूर्व विजेता […]
February 5, 2025
पोखरा (हाम्रो खेलकुद)- आहा! रारा पोखरा गोल्डकप फुटबल प्रतियोगिताको दोस्रो दिन आज पूर्व विजेता एपिएफ फुटबल क्लबले मच्छिन्द्र फुटबल क्लबको सामना गर्दैछ । पोखरा रंगशालामा खेल दिउँसो २:३० बजे सुरु हुनेछ।एपिएफ र मच्छिन्द्रबिच आहा रारामा दोस्रो पटक भेट हुन लागेको हो । यसअघि २०७८ मा पहिलो पटक भेट हुँदा एपिएफ विजयी भएको थियो। सेमिफाइनलमा भएको […]
