सुबास हुमागाईं, कतार

फिफा विश्वकप २०२२ अन्तर्गत आइतबार उद्घाटन खेलसँगै प्रतियोगिता सुरु हुनेछ । यस संस्करणको ग्रुप अफ डेथको रुपमा लिइएको समूह एच मा पोर्चुगल, उरुग्वे, दक्षिण कोरिया र घाना भिड्नेछन् ।

आ-आफ्नो महादेशका बलिया टोली सबै नकआउट चरणमा पुग्ने सम्भावना बोकेका टोली हुन् । क्रिस्टियानो रोनाल्डोको नेतृत्वमा उत्रने पोर्चुगल आफ्नो कप्तानलाई अन्तिम विश्वकपमा सफलता दिलाउन चाहन्छ । तर यसका लागि सहज बाटो भने छैन । पोर्चुगलका खेलाडी आ-आफ्ना क्लबका लागि उच्च लयमा छन् । मैत्रीपूर्ण खेलमा पनि रोनाल्डोविनै टोलीले राम्रो खेलेको छ । तर रोनाल्डोको आगमनले त्यसमा असर पर्न सक्छ ।

उरुग्वे आफ्नो युवा प्रतिभाबाट निकै अपेक्षा गरिरहेको हुनेछ । फेडे भालभर्डे र रोड्रीगो बेन्टानकुरसँगै डार्विन न्युनेज आक्रमणमा व्यस्त हुनेछन् । उरुग्वे सन् २०१० मा सेमिफाइनल पुगेको इतिहास दोहोर्याउन चाहन्छ । त्यसबेला घानालाई क्वाटरफाइनलमा रोक्न अन्तिम समयमा हातले गोल रोकेका सुआरेज फेरी एकपटक घानाविरुद्ध देखिनेछन् ।

घाना यसपटक निकै अपेक्षा गरिएको टोलीमा पर्छ । छनोटपछि जन्मस्थानका आधारमा युरोपेली लिग खेल्ने ठूला स्टार समेट्दै टोली कागजमा बलियो देखिएको छ । इनाकी विलियम्सको उपस्थितिले आक्रमण थप सुदृढ हुने देखिन्छ ।

दक्षिण कोरियाका लागि कप्तान सन ह्युङ मिन खेल्ने खबर निकै फलदायी हुने देखिन्छ । गत संस्करण साविक विजेता जर्मनीलाई समूहबाट बाहिर राख्दै अघि बढेको कोरिया यसपटक अर्को सफलताको कथा लेख्न चाहन्छ ।

अन्तिम टोली :

पोर्चुगल :

गोलरक्षक – डिओगो कोस्टा, रुई प्याट्रिसियो र जोसे सा

डिफेन्डर – जोआओ क्यान्सेलो, डिओगो डालोट, रुबेन डायस, राफेल गुरेइरो, नुनो मेन्डेस, पेपे, डानिलो परेरा र एन्टोनियो सिल्भा

मिडफिल्डर – विलियम कार्भाल्हो, ब्रुनो फर्नान्डेस, जोआओ मारियो, रुबेन नेभेस, म्याथियस नुनेस, ओटाभियो, जोआओ पाल्हिन्हा, बर्नाडो सिल्भा र भिटिन्हा

फरवार्ड – जोआओ फेलिक्स, रिकार्डो होर्टा, राफयल लियो, गोन्कालो रामोस, क्रिस्टियानो रोनाल्डो र आन्द्रे सिल्भा

घाना :

गोलकिपर : लवरेन्स एटी जिगी, मानाफ नुरदिन, इब्राहिम डानलड

डिफेन्डर : बाबा रहमान, डानिएल अमार्टे, अलेजान्डर जिकु, जोसेफ अइडो, गिडेओन मेनसाह, डेनिस ओडोई, अलिडु सेइडु, मोहम्मेद सालिसु, तारिक लाम्प्टे

मिडफिल्डर : थोमस पार्टे, मोहम्मद कुडुस, डानिएल कोफी केरेह, एलिशा ओवुसु, डानिएल अफ्रियी, सालिस सामेद

फरवार्ड : आन्द्रे आयु, जोर्डन आयु, कमलदिन सुलेमाना, फतावु इशाहाकु, ओस्मान बुकारी, इनाकी विलियम्स, एन्टोनी सेमेन्यो, कमल सोवह

उरुग्वे :

गोलरक्षक : सर्जियो रोसे, फर्नान्डो मुस्लेरा, सबास्टियन सोसा

डिफेन्डर : डिएगो गोडीन, जोसे मारिया जिमिनेज, रोनाल्ड अराउजो, सबास्टियन कोआटेस, मार्टिन कासेरेस, माथिअस ओलिभिएरा, गिलेर्मो भारेला, जोसे लुइस रोड्रीग्वेज, माटीयास भिना

मिडफिल्डर : फेडे भालभेर्डे, रोड्रीगो बेन्टान्कुर, माटीआस भेचिनो, लुकास टोरेरा, म्यानुएल उगार्टे, निकोलस डे ला क्रुज, जर्जियन डे आरास्केता, फाकुन्डो पेलिस्त्री, फाकुन्डो टोरेस, अगुस्टिन कनोबियो

फरवार्ड : लुइस सुआरेज, एडिन्सन काभानी, डार्विन न्युनेज, म्याक्सिमिलियन गोमेज

दक्षिण कोरिया :

गोलकिपर : किम स्युङ–ग्यु, जो ह्योन यु, सङ बुम–क्युन

डिफेन्डर : किम मिन जे, किम योङ ग्वोन, क्वोन क्युङ वोन, चो यु मिन, किममुन ह्वान, युन जोङ ग्यु, किम ताइ ह्वान, किम जिन सु, होल चुल

मिडफिल्डर : जोङ वु योङ, सान जुन हो, पाइक सुङ हो, ह्वाङ इन बुम, लि जेसुङ, क्वोन चाङ हुन, ज्योङ वु योङ, लि काङ इन, ना साङ हो, सङ मिन क्यु

फरवार्ड : सन ह्युङ मिन, ह्वाङ ही चान, ह्वाङ यी जो, चो ग्वी सुङ