2 years ago
November 18, 2022
एजेन्सी – क्याटलान क्लब बार्सिलोनाका पोलिस फरवार्ड रोबर्ट लेवान्डोस्कीलाई तीन खेलको प्रतिबन्ध लागेको छ । स्पेनिस फुटबल महासंघ (आरएफईएफ) ले लेवान्डोस्कीलाई तीन खेलको प्रतिबन्ध सुनाएको हो ।
गत साता ओसासुनामाथि २–१ को जित निकालेको खेलमा लेवान्डोस्कीले रातो कार्ड पाएर मैदानबाट बाहिरिएका थिए । ३४ वर्षीय फरवार्डले ओसासुनाका डेभिड गार्सियाको अनुहारमा (एल्बो) कुहिनोको प्रयोग गरेपछि दोस्रो पहेँलो कार्ड देखाइएको थियो ।
यो उनको खेल करिअरको दोस्रो रातो कार्ड हो । यसअघि उनले सन् २०१३ मा ह्यामवर्गविरुद्धको खेलमा रातो कार्ड पाएको थियो । आरएफईएफका अनुसार लेवान्डोस्कीले रातो कार्ड पाएपछि ‘रेफ्रीहरूप्रति अपमानजनक व्यवहार’ भएको भन्दै तीन खेलको प्रतिबन्ध लगाइएको हो ।
उक्त निर्णयपछि मध्यान्तरको समयमा रेफ्रीको अपमान गरेपछि जेरार्ड पिकेलाई पनि रातो कार्ड देखाएको थियो । उनलाई पनि चार खेलमा प्रतिबन्ध लगाइएको छ । उक्त खेलमा बेन्चमा रहेका जेरार्डले त्यसअघि नै सन्यास लिइसकेका छन् ।
बार्सिलोनाले लेवान्डोस्कीको प्रतिबन्धविरुद्ध अपिल गर्ने बताएको छ । तीन खेलको प्रतिबन्धसँगै लेवान्डोस्कीले फिफा विश्वकप कतार २०२२ पछि सुचारु हुने ला लिगाको इस्पानियोल, एट्लेटिको म्याड्रिड र गेटाफेविरुद्धको खेल गुमाउने छन् ।
यसै सिजन जर्मन क्लब बायर्न म्युनिखबाट बार्सिलोना आएका लेवान्डोस्कीले १९ खेलमा १८ गोल गरिसकेका छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]