2 years ago
November 18, 2022
एजेन्सी – स्पेनले फिफा विश्वकप कतार २०२२ को तयारीस्वरुप खेलिएको अन्तर्राष्ट्रिय मैत्रीपूर्ण खेलमा सहज जित निकालेको छ । स्पेनले जोर्डनलाई उसकै मैदानमा ३–१ ले पराजित गरेको हो ।
स्पेनको सहज जितमा अन्सु फाती, पाब्लो गाभी र निको विलियम्सले गोल गरे । जोर्डनका हम्जा अल डरडोउरले एक गोल फर्काए ।
अम्मान इन्टरनेसनल स्टेडियम अम्मानमा बिहीबार राति भएको खेलको १३औं मिनेटमा अन्सु फातीको गोलबाट स्पेनले सुरुवाती अग्रता लिन सफल भयो । उनले मार्काे एसेन्सियोको पासमा गोल गर्न सफल भएका थिए । ५७औं मिनेटमा पाब्लो गाभीले गोल गर्दै स्पेनको अग्रत दोब्बर पारे ।
८४औं मिनेटमा परिवर्तित खेलाडी निको विलियम्सले गोल गर्दै स्पेनलाई ३–० ले अघि बढाए । ७२औं मिनेटमा फातीको स्थानमा मैदान छिरेका विलियम्सले यारेमी पिनोको पासमा गोल गर्न सफल भएका थिए ।
इन्ज्युरी समयको थप गरिएको दोस्रो मिनेटमा घरेलु टोलीका हम्जाले गोल गर्दै खेललाई ३–१ को स्थितिमा ल्याएपनि त्यसपछि थप गोल निस्कन नसक्दा स्पेन विजयी हुन सफल भयो ।
स्पेन विश्वकपमा समूह ‘ई’ मा रहेको छ । स्पेनले २३ नोभेम्वरमा कोस्टा रिका, २७ नोभेम्वरमा जर्मनी र १ डिसेम्वरमा जापानसँग खेल्ने तालिका छ ।
January 5, 2025
काठमाडौं (हाम्रो खेलकुद) – एन्फा महिला फुटबल लिगको विभागीय डर्बीमा आइतवार नेपाल पुलिस क्लब र त्रिभुवन आर्मी क्लब गोल रहित बराबरीमा रोकिएका छन् सातदोबाटोस्थित एन्फाको मैदानमा भएको खेलमा दुवै टोलीले बराबरीमा रोकिएका हुन् । पुलिसकी पुजा रानाले २३औं मिनेटमा गोल गरे पनि रेफ्रिले मान्यता दिएनन् । त्यसैमा विवाद भएपछि करिब २५ मिनेट खेल रोकिएको थियो […]
January 5, 2025
काठमाडौं (हाम्रो खेलकुद) – एन्फा महिला फुटबल लिगमा आज दुई विभागीय नेपाल पुलिस क्लब र त्रिभुवन आर्मी क्लबबीच प्रतिस्पर्धा हुँदैछ। सातदोबाटोस्थित एन्फाको मैदानमा खेल दिउँसो ३ बजे सुरु हुनेछ । अन्तिम चरणको लिगमा पहिलो खेलमा जित हात पारेका दुवै टोली सोहि लयलाई निरन्तरता दिन चाहन्छन् । पहिलो चरणको लिगमा पुलिस र आर्मीले १-१ गोलको बराबरीमा […]
January 5, 2025
एजेन्सी – इंग्लिस प्रिमियर लिगमा म्यान्चेस्टर सिटीले वेस्ट ह्याम युनाईटेडलाई पराजित गरेको छ । सिटीलेघरेलु मैदानमा शनिवार ४-१ को सहज जित हासिल गरेको हो । सिटीको जितमा एर्लिङ हालाण्डले २ तथा फिल फोडेनले १ गोल गरे । अर्को आत्मघाती गोल भयो । वेस्ट ह्यामका निकलेस फोलकुर्कले १ गोल फर्काए । वेस्ट ह्यामका भ्लादिमिर क्याफलको आत्मघाती […]