2 years ago
November 17, 2022
एजेन्सी – फिफा विश्वकप कतार २०२२ अघिको अन्तिम अभ्यास खेलमा जर्मनी र पोल्यान्डले सफलता हात पारेका छन् ।
जर्मनीले एसियाली प्रतिद्धन्द्धी ओमानमाथि १–० को झिनो जित निकालेको हो । जर्मनीको जितमा दोस्रो हाफमा परिवर्तित खेलाडी निकलस फुलक्रुगले गरेको गोल नै निर्णायक बन्यो ।
४६औं मिनेटमा युसोउफा मौकोकोको स्थानमा मैदान छिरेका निकलसले ८०औं मिनेटमा काई हाभर्टजको पासमा गोल गर्न सफल भएका थिए ।
सुल्तान कवास स्पोर्ट्स कम्प्लेक्स मस्कटमा बुधबार राति भएको खेलमा जर्मनीले घरेलु टोलीमाथि लगातार दवाव सिर्जना गरेपनि थप गोल निकाल्न सकेन । ओमानका गोलरक्षक इब्राहिम अल मुखाइनीले जर्मनीको हरेक प्रहारलाई विफल पारेपनि अन्तिमा गोल खान पुग्यो ।
जर्मनीले ओमानविरुद्ध जमल मुसियाला, सर्ज नाब्री, निकलस सुललाई विश्राम दिदा योसुवा किम्मिख, क्रिस्टियन गन्टरलाई दोस्रो हाफमा मैदान प्रवेश गराएको थियो । समूह ‘ई’ मा रहेको जर्मनीले २३ नोभेम्वरमा जापान, २७ नोभेम्वरमा स्पेन र १ डिसेम्वरमा कोस्टा रिकासँग प्रतिस्पर्धा गर्नेछ ।
यस्तै विश्वकपकै अन्तिम अभ्यास खेलमा पोल्यान्डले चिलीलाई १–० ले पराजित गरेको छ । घरेलु मैदानमा पोल्यान्डको जितमा क्रिजस्तोफ पियाटिकले खेलको अन्त्यतिर गरेको गोल नै निर्णायक बन्यो । उनले ८५औं मिनेटमा गोल गर्न सफल भएका थिए ।
अब पोल्यान्ड विश्वकपमा होमिनेछ । पोल्यान्ड विशवकपमा समूह ‘सी’ मा रहेको छ । पोल्यान्डले २२ नोभेम्वरमा मेक्सिको, २६ नोभेम्वरमा साउदी अरेबिया र ३० नोभेम्वरमा अर्जेन्टिनासँग खेल्नेछ ।
यस्तै मैत्रीपूर्णमा अष्ट्रियाले एन्डोरालाई १–० ले पराजित गरेको छ । चेक रिपब्लिकले फारोई आइल्यान्डलाई ५–० को फराकिलो अन्तरले पराजित गरेको छ । टर्कीले स्कटल्यान्डलाई १–० ले हराएको छ । बुल्गेरियाले साइप्रसलाई १–० ले तथा जिब्राल्टारले लिचेस्टाइनलाई २–० ले पराजित गरेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]