2 years ago
November 15, 2022
काठमाडौं (हाम्रो खेलकुद)– नेपाल र पाकिस्तानको राष्ट्रिय फुटबल टोलीले ४ वर्षपछि एकअर्काको सामना गर्दैछन् । सन् २०१८ को साफ च्याम्पियनसिपपछि यी दुई टोली पहिलो पटक आमनेसामने हुँदैछन् । त्यसपछि पाकिस्तान ३ वर्ष फिफाको प्रतिबन्धमा परेको थियो ।
केहि महिनाअघि मात्र पाकिस्तान प्रतिबन्ध मुक्त भएको थियो । त्यसयता पहिलो खेलमा पाकिस्तानी टोली नेपालविरुद्ध उत्रने तयारीमा छ । त्यति बेला साफ च्याम्पियनसिपमा नेपाल पाकिस्तानी टोलीसँग २–१ ले पराजित भएको थियो । दशरथ रंगशालामा बुधबार साँझ ५:०० बजे सुरु हुने खेलका लागि दुवै टोली उत्साहित देखिएका छन् ।
पहिलो पटक राष्ट्रिय टोलीको प्रशिक्षण गर्ने मौका पाएका प्रवेश कटुवालले आफ्नो लागि ठूलो मौका भएको बताएका छन् ।‘कोचिङ करियर सुरु गर्दा हरेकको सपना राष्ट्रिय टोली हेर्ने हुन्छ,’ उनले भने,‘मैले त्यो मौका पाएको छु । यसमा खुसी लागेको छ ।’
गत साताबाट मात्र कटुवालले टोलीको तयारी सुरु गर्ने मौका पाएका थिए । ‘समय छोटो थियो । तर पनि हामीले राम्रो तयारी गर्न प्रयास गरेका छौं,’ मछिन्द्र क्लबलाई पछिल्लो दुई सिजन ए डिभिजन लिग च्याम्पियन बनाएका कुटवालले भने,‘प्रतियोगिताहरु नहुँदा खेलाडीको फिटनेसमा केही समस्या थियो। अहिले ठीक भएको छ ।’
पाकिस्तानी टोलीले समूहगत अभ्यास लामो समयदेखि गर्न नपाएकोले त्यहि अनुरुप आफूले रणतीति तयार पारेको कटुवालले बताए । पाकिस्तानविरुद्धको खेलका लागि राष्ट्रिय टोलीको कप्तानको जिम्मेवारी पाएका रोहित चन्दले पाकिस्तान सधै कठिन प्रतिद्वन्द्विका रुपमा रहेको बताएका छन् ।
रोहितले भने, ‘पाकिस्तान हाम्रो लागि कठिन प्रतिद्वन्द्वि हो। त्यसैले भोलिको खेल प्रतिस्पर्धात्मक नै हुनेछ। खेल हो जे पनि हुन सक्छ । हामी जितका लागि प्रयास गर्नेछौं ।’
कप्तानको जिम्मेवारी पाउँदा खुसी लागेको उल्लेख गर्दै थपे, ‘कप्तानभन्दा पनि आफ्नो देशलाई नै प्रतिनिधित्व गर्न पाउनु ठूलो कुरा हो। टोलीका ११ खेलाडी नै कप्तान हुन्।’
पाकिस्तानका प्रशिक्षक सहजाद अनवारले पछिल्लो समय खराब समयबाट गुज्रिरहे पनि राम्रो सुरुवात गर्ने योजनाका साथ अघि बढिरहेको बताएका छन् । उनले थपे, ‘ दुई महिनादेखि हामीले तयारी गरिरहेका छौं । अहिले हामीसँग नयाँ टोली छ, केही खेलाडी स्थानीय रुपमै खेल्छन्। केही खेलाडी विदेशी लिग खेलिरहेका छन् ।’
डेनमार्कमा खेलिरहेका पाकिस्तानी टोलीका कप्तान हसन बसिरले नेपालविरुद्ध खेल्न आफू सधै उत्साहित हुने बताएका छन्। ‘नेपालविरुद्ध हाम्रो नतिजा राम्रो रहँदै आएको छ,’ उनले नेपालसँगका पुरानो दिन स्मरण गर्दै भने,‘मैले नेपालविरुद्ध यहाँ खेलिसकेको छु । दर्शकहरुको उपस्थितिमा खेल्दा सधै उत्साहित हुन्छु।’
नेपाल र पाकिस्तानबीच अहिले सम्म १७ खेल भइसकेका छन् । जसमा पाकिस्तानले ७ खेल, नेपालले ५ खेल जितेको छ भने ५ खेल बराबरीमा टुंगिएको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]