2 years ago
November 14, 2022
एजेन्सी – बायर्न म्युनिखका फरवार्ड अलफन्सो डेभिस र लिलका फरवार्ड जोनाथन डेभिडलाई समेट्दै क्यानडाले फिफा विश्वकप कतार २०२२ को लागि टोली घोषणा गरेको छ ।
टोलीका मुख्य प्रशिक्षक जोन हर्डम्यानले २६ सदस्यीय टोली घोषणा गरेका हुन् । बायर्न म्युनिखका स्टार अलफन्सो डेभिस र लिलका फरवार्ड जोनाथन डेभिडसम्मिलित क्यानडाले सन् १९८६ पछि पहिलो विश्वकप खेल्दैछ ।
क्यानडाको मिडफिल्डको नेतृत्व एफसी पोर्टोका स्टेफेन युस्टाक्वियो र अनुभवी एटिबा हचिन्सनले गर्नेछन् । यदि उनले खेले भने हचिन्सन ३९ वर्ष, नौ महिना र तीन दिनको उमेरमा विश्वकप खेल्ने सबैभन्दा पाको खेलाडी हुनेछन् । जसले अर्जेन्टिनाका एन्जल लाब्रुनाको (३९ वर्ष, आठ महिना, १९दिन) १९५८ को कीर्तिमान तोड्नेछन् ।
चोटका कारण गोलकिपर म्याक्सिम क्रेपेउ, सेन्टरब्याक स्कट केनेडी र डोनिल हेनरीले टोलीमा स्थान बनाउन सकेनन् ।डोनिललाई विश्वकपको लागि टोलीमा बोलाइएपनि अभ्यास दौरान चोट बोकेपछि उनी टोलीबाट बाहिरिएका हुन् ।
४१औं वरियतामा रहेको क्यानडाले समूह एफमा नोभेम्बर २३ मा बेल्जियमसँग, नोभेम्बर २७ मा क्रोएसिया र डिसेम्बर १ मा २२ मोरोक्कोसँग खेल्नेछ । टोलीले बिहीबार जापानसँग अन्तिम अभ्यास खेल खेल्नेछ ।
क्यानाडाको विश्वकप टोली:
गोलकिपर – मिलान बोर्जन, जेम्स पेन्टेमिस, डेन सेन्ट क्लेयर
डिफेन्डर – कमल मिलर, स्टिभन भिटोरिया, जोएल वाटरम्यान, डेरेक कर्नेलियस, साम एडेकुग्वे, एलिस्टेएर जोनस्टन र रिची लारेआ
मिडफिल्डर – एटिबा हचिन्सन, स्टिफन युस्टाक्वियो, जोनाथन ओसोरियो, मार्क–एन्थोनी काए, साम पिएट, स्माइल कोन, लियाम फ्रासेर र डेभिड वुदर्सपुन
फरवार्ड – ताजोन बुचानन, अल्फन्सो डाभिस, जोनाथन डेभिड, जुनियर होइलेट, साइल लारिन, लुकास काभालिनी, लियाम मिलर र इके उग्वो
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]