2 years ago
November 10, 2022
पोखरा (हाम्रो खेलकुद)– पोखराको चर्चित गोल्ड कप आहा रारा गोल्ड कप यो पटक विगत भन्दा छिट्टै हुने भएको छ । आहा रारा गोल्ड कपको २२ औं संस्करण पुस १२ देखि २३ गते सम्म पोखरा रंगशालामा हुने आयोजक सहारा क्लब पोखराले बिहीबार जानकारी गराएको छ ।
यसअघि अधिकांश प्रतियोगिता माघ फागुनमा हुने गरेको थियो । यसपटक सहिद स्मारक ए डिभिजन लिग अघि नै आहा रारा गोल्ड कप सकिने भएको छ । लिग पुस २६ गतेबाट सुरु गर्ने एन्फाले यसअघि नै घोषणा गरिसकेको छ । अखिल नेपाल फुटबल संघ (एन्फा) को अनुमतिमा मिति तय भएको सहाराले जनाएको छ ।
आहा रारा गोल्डकपमा विगतमा जस्तै विदेशी टिमहरु, ए डिभिजनका क्लबहरु, मोफसलका टिमहरु र आयोजक सहारा क्लब पोखराको सहभागिता रहनेछ । गत वर्षको एपिएफ फुटबल क्लबले आहा रारा गोल्डकप जितेको थियो । आहाको सफल टोली मनाङ मस्र्याङ्दीलाई हराउँदै एपिएफले पहिलो पटक उपाधि जितेको थियो ।
पहिलो संस्करण देखि नै मुख्य प्रायोजकको रुपमा हिमश्री फुड्स प्रा. लि. को उत्पादन आहा तथा रारा तयारी चाउचाउले गर्दै आएको छ । अफिसियल बैंक लुम्बिनी विकास बैंक, सहयोगी संस्था राष्ट्रिय खेलकुद परिषद् , प्रदेश खेलकुद विकास परिषद्, अखिल नेपाल फुटबल संघ, पश्चिमाञ्चल क्षेत्रिय खेलकुद विकास समिति, जिल्ला खेलकुद विकास समिति, कास्की, कास्की जिल्ला फुटबल संघ, सहारा युके, सहारा क्लब हङकङ, सहारा अष्ट्रेलियाको विशेष सहयोग रहने प्रतियोगितालाई पोखरा महानगरपालिकाको संयोजन रहेको छ ।
प्रतियोगितालाई सफलतापूर्वक सम्पन्न गर्न सहाराले राजनैतिक दल, भातृ संगठन, संघ संस्था, व्यवसायी एवं खेलकुद प्रेमी दर्शकमहानुभावहरुबाट महत्वपुर्ण सहयोगको अपेक्षा र सदभावको आशा राखेको उल्लेख गर्दै प्रतियोगिता अवधिभर बन्द, हडताल, चक्काजामको नगर्न अनुरोध गरेको छ ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]