2 years ago
November 9, 2022
एजेन्सी – १० खेलाडीमा समेटिएको क्याटलान क्लब बार्सिलोनाले स्पेनिस ला लिगामा ओसासुनामाथि रोमाञ्चक पूनरागमन जित निकालेको छ ।
बार्सिलोनाले घरेलु टोली ओसासुनासँग १–० ले पछि परेको स्थिति उल्ट्याएर २–१ को पूनरागमन जित दर्ता गरेको हो । पाम्पलोना स्पेनमा मंगलबार राति भएको खेलमा बार्सिलोनाको पूनरागमन जितमा पेड्री र रािफन्हाले गोल गरे । घरेलु टोलीका डेभिड गार्सियाको गोल सान्त्वना बन्यो ।
खेलको छैटौं मिनेटमा गार्सियाको गोलबाट बार्सिलोना पछि परेको थियो । उनले रुवेन गार्सियाको पासलाई सदुपयोग गरेका थिए । ३१औं मिनेटमा बार्सिलोना १० खेलाडीमा समेटिन पुग्यो । फरवार्ड रोबर्ट लेवान्डोस्की दोहोरो पहेलो कार्ड खाँदै मैदानबाट बाहिरिए ।
पहिलो हाफको इन्ज्युरी समयको थप गरिएको पाँचौ मिनेटमा बेञ्चमा रहेका डिफेन्डर जेरार्ड पिके सिधै रातो कार्ड खाँदै प्लेयर बक्स छाड्न बाध्य भए । तर १० खेलाडीमा समेटिएको बार्सिलोनाले दोस्रो हाफमा सानदार प्रदर्शन गर्दै महत्वपूर्ण जित निकाल्न सफल भयो ।
४८औं मिनेटमा पेड्रीले गोल गर्दै खेललाई १–१ गोलको बराबरीमा ल्याए । ५औं मिनेटमा परिवर्तित खेलाडी राफिन्हाले गोल गर्दै बार्सिलोनालाई पूनरागमन जित दिलाए । ७औं मिनेटमा औसमाने डेम्वेलेको स्थानमा मैदान छिरेका राफिन्हाले फ्रान्की डि जोङको पासमा गोल गन सफल भएका थिए ।
यस रोमाञ्चक पूनरागमन जितसँगै शीर्षस्थानमा रहेको बार्सिलोनाले रियल म्याड्रिडलाई ५ अंकले पछि पारेको छ । शीर्षस्थानमा रहेको बार्सिलोनाको १४ खेलबाट ३७ अंक पुगेको छ । एक खेल कम खेलेको रियल म्याड्रिडको ३२ अंक छ । पराजित ओसासुना २३ अंक जोडेर छैटौं स्थानमा रहेको छ ।
यसअघि समाचारको शीर्षकमा १० हुनुपर्नेमा अन्यथा भएकोमा सच्याइएको छ । – सम्पादक
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]