2 years ago
November 3, 2022
काठमाडौं (हाम्रो खेलकुद) – बंगलादेशमा मंगलबारदेखि सुरु भएको साफ यू१५ महिला च्याम्पियनसिपमा आज (बिहीबार) नेपालले भुटानसँग प्रतिस्पर्धा गर्दैछ ।
नेपाल र भुटानबीचको खेल ढाकाको बीएसएसएसएमके स्टेडियममा नेपाली समय अनुसार दिउँसो ४:१५ बजेपछि सुरु हुनेछ । तीन राष्ट्रको मात्रै सहभागिता रहेको च्याम्पियनसिपमा उपाधि जित्ने लक्ष्य राखेको नेपाल भुटानलाई हराएर सुखद सुरुआत गर्ने योजनामा हुनेछ ।
नेपाली टोलीको नेतृत्व दीपा रोकायले गर्नेछिन् । नेपालले च्याम्पियनसिपमा पहिलो खेल खेल्दा भुटानले दोस्रो खेल खेल्नेछ । भुटानले पहिलो खेलमा बंगलादेशसँग ८–० को भारी अन्तरको हार भोगिसकेको छ ।
भुटान पनि नेपाललाई रोक्ने लक्ष्यमा मैदान उत्रनेछ । च्याम्पियनसिपमा तीन डबल राउण्ड रोविन लिगका आधारमा खेल्नेछन् । नेपालले ५ नोभेम्वरमा बंगलादेश, ९ नोभेम्वरमा पुनः भुटान र त्यसपछि ११ नोभेम्वरमा पुनः बंगलादेशसँग खेल्नेछ । लिग चरणको समाप्तिमा धेरै अंक जोड्ने टोली च्याम्पियन बन्ने छ ।
टोलीको प्रशिक्षकमा भगवती राना मगर, सहायक प्रशिक्षकमा मंगल महर्जन, गोलकिपर प्रशिक्षकमा छन्नुराम चौधरी, फिजियोमा सरिता बजगाईं र व्यवस्थापकमा पूर्ण माया सुब्बा लिम्बू छिन् ।
नेपाली टोली :
गोलरक्षक : राधिका ओली, सुजाता तामाङ, रुपा धिमाल
डिफेन्डर : सिता रोकाया, अमिता भुल, दीपा मगर, अन्जना पुन मगर, प्रेरणा डोल्मा लामा, रेणु लिम्बु, विपना स्नेही
मिडफिल्डर : सिमरन राई, पुनम चेम्जोङ, भावना परियार, सविता मण्डल, भूमिका बुढाथोकी, सुशिला केसी, सुक्रिया मिया, रेबिका नेपाली, मनिषा सेन
फरवार्ड : दीपा रोकाया, समिक्षा मगर, वर्षा ओली, सेनु परियार
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]
