2 years ago
October 31, 2022
काठमाडौं (हाम्रो खेलकुद)– राष्ट्रिय महिला टोली तथा एपिएफ फुटबल क्लबकी रक्षक गिता राना भारतीय (आई) लिग टोली सेथु एफसीमा आबद्ध हुने भएकी छिन् । केहि दिन अघि क्लब राष्ट्रिय टोलीकी कप्तान समेत रहेकी एपिएफकी गोलकिपर एन्जिला तुमबापो सुम्बा सेथुमा आबद्ध भएकी थिइन् ।
‘गिता पनि सन् २०२२/२३ सिजनका लागि सेथुबाट खेल्ने पक्का भएको छ,’ एन्जिलाले भनिन्,’उनको लागि पनि आज पत्र आएको छ । गिता भरपर्दो रक्षक हुन् । सन् २०१६ मा उनले राष्ट्रिय टोलीबाट डेब्यू गरेकी थिइन् ।’ घरेलु राष्ट्रिय महिला लिगको दोस्रो राउन्ड सुरु नभएको खण्डमा डिसेम्बरमा एन्जिलासँगै गिता पनि भारत जानेछिन् ।
सेथुसँग व्यवसायिक रुपमा आबद्ध हुने गिता चौथो नेपाली महिला खेलाडी बन्नेछिन् । यसअघि राष्ट्रिय टोलीकी फरवार्ड सावित्रा भण्डारी साम्बा र मिडफिल्डर अनिता बस्नेतले पनि सोही क्बलबाट खेलिसकेका छन् । चारै खेलाडी एपिएफबाट खेल्नेछन् । सावित्रा पछिल्लो केहि वर्षयता गोकुलम एफसीमा आबद्ध छिन् ।
एन्जिला र गितासहित अनिता केसी र सरु लिम्बुले दुई वर्षअघि पाकिस्तानी क्लबबाट लिग खेलेका थिए । यद्दपी फिफाले पाकिस्तानमाथि प्रतिबन्ध लगाएपछि लिग बीचमै स्थगित भएको थियो । गत महिना एन्जिलाको कप्तानीमा नेपालले घरेलु मैदानमा साफ च्याम्पियनसिप खेल्दा गिता टोलीको महत्वपूर्ण सदस्य थिइन् । भारतलाई हराउँदै फाइनल पुगेको नेपाल बंगलादेशसँग पराजित भएर उपाधिबाट विमुख भएको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]