2 years ago
October 31, 2022
एजेन्सी – स्पेनिस भेट्रान डिफेन्डर सर्जियो रामोस आफ्नो पूरानो लयमा फर्किएका छन् । यो सिजन फ्रान्सेली क्लब पेरिस सेन्ट जर्मेन (पिएसजी) मा लगातार पहिलो रोजाईमा खेलिरहेका उनले नयाँ कीर्तिमान पनि बनाउन सफल भएका छन् ।
ट्रोएसमाथि ४–३ को पूनरागमन जित निकालेको खेलमा ३६ वर्षीय सेन्टर ब्याक रामोसले पिएसजीका लागि ३० खेल खेल्दा अपराजित रहँदै नयाँ कीतिमान बनाएका हुन् । यसमा २३ जित र सात बराबरीको नतिजा छ ।
यसअघि यो कीर्तिमान ब्राजिली लेजेन्ड राई सोउजा भिएरा डि ओलिभेइरोको नाममा रहेको थियो । ५७ वर्षीय राईले पिएसजीसँग २९ खेलमा अपराजित रहेको कीर्तिमान बनाएका थिए ।
राईको नाममा फ्रेन्च लिग वानमा २१ खेलसम्मको अपराजित यात्रालाई पनि रामोसले तोडेका छन् । राईले २१ खेलसम्म अपराजित रहेर कीर्तिमान बनाउँदा रामोसले २३ खेलमा अपराजित रहँदै कीर्तिमान बनाएका हुन् । जसमा १८ जित र ५ बराबरीको नतिजा छ ।
पिएसजीका प्रशिक्षक क्रिस्टोफ गाल्टिएर पनि रामोसको पछिल्लो प्रदर्शनबाट खुशी रहेको बताइएको छ । उनले अहिलेसम्म १७ वा १९ सम्भावित खेलमा मौका पाएका छन् । जसमा उनले १६ खेलमा सुरुवातबाटै खेलेका छन् ।
‘उनी ड्रेसिङ रुमका नेता मध्ये एक हुन् ।’ प्रशिक्षक गाल्टिएरले भने, ‘उसले राम्रो गरिरहेको छ र कुनैपनि प्रशिक्षण सत्र छुटाएको छैन । यो स्पष्ट छ कि उनी यस वर्ष आफ्नो उत्कृष्ट खेल्न तयार छन् ।’
गत सिजन स्पेनिस क्लब रियल म्याड्रिड छाडेर पिएसजी पुगेका उनले पिएसजीमो पहिलो सिजन चोटकै कारण खेल्ने अवसर पाएनन् । उनले गत सिजन पिएसजीका लागि १३ खेल खेल्दा २ गोल गर्दा यो सिजन उनले १७ खेल खेल्दा १ गोल गरिसकेका छन् ।
चोटका कारण मैदान बाहिर रहेकाले उनी पछिल्लो समय स्पेनको टोलीमा समेत पर्न सकेका छैनन् । यो सिजन उच्च प्रदर्शन गरिरहेका उनी स्पेनको टोलीमा समावेश हुने सम्भावना रहेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]