2 years ago
October 30, 2022
काठमाडौं (हाम्रो खेलकुद)– राष्ट्रिय महिला टोलीकी कप्तान तथा गोलकिपर एन्जिला तुम्बापो सुब्बा भारतीय (आई) महिला लिग टोली सेथु एफसीमा आबद्ध भएकी छिन् । उनले केहि दिन अघि क्लबसँग सम्झौता भएको बताइएकी छिन् ।
घरेलु राष्ट्रिय महिला लिगको दोस्रो राउन्ड सुरु नभएको खण्डमा डिसेम्बरमा भारत जाने पनि एन्जिलाले बताएकी छिन् । सेथुसँग व्यवसायिक रुपमा आबद्ध हुने उनी तेस्रो खेलाडी बनेकी छिन् । यसअघि राष्ट्रिय टोलीकी फरवार्ड सावित्रा भण्डारी ‘साम्बा’ र मिडफिल्डर अनिता बस्नेतले पनि सोही क्बलबाट खेलिसकेका छन् । तीनै खेलाडी एपिएफबाट खेल्नेछन् ।
सावित्रा पछिल्लो केहि वर्षयता गोकुलम एफसीमा आबद्ध छिन् । आइ लिग खेल्ने पनि एन्जिला तेस्रो महिला खेलाडी बन्नेछिन् । सेथमा उनले एक वर्षको सम्झौता गरेको बताइएको छ । एन्जिलाले दुई वर्षअघि पाकिस्तानी क्लबबाट लिग खेलेकी थिइन् । यद्दपी फिफाले पाकिस्तानमाथि प्रतिबन्ध लगाएपछि लिग बीचमै स्थगित भएको थियो ।
एन्जिलाले सेथुबाट खेल्दा अनुभव बटुल्न राम्रो मौका मिल्ने विश्वास लिएकी छिन् । ‘पहिलो पटक यस्तो राम्रो मौका पाउँदा खुसी छु । मैले रम्रो गर्न सकेन भने आउने जितका लागि पनि अवसर मिल्न सक्छ,’ उनले भनिन्, ‘आफ्नोतर्फबाट राम्रो गर्न प्रयास गर्नेछु । यसले थप अनुभव लिन मौका मिल्नेछ ।’
घरेलु फुटबलमा खासै धेरै चुनौतीको सामना गर्नु नपरेको अनुभव सुनाउँदै उनले थपिन्, ‘यहाँ त्रिभुवन आर्मी क्लब र नेपाल पुलिस क्लबसँग खेल्दा हो अलि अलि बल आउने । जिल्लासँग खेल्दा त्यो पनि आउँदैन । ममा खेल अनुभवको अझै कमी छ भन्ने लाग्छ । त्यसलाई आई लिगबाट बटुल्ने मौका मिल्ने आशा छ ।’
गत महिना उनकै कप्तानीमा नेपालले घरेलु मैदानमा साफ च्याम्पियनसिप खेलेको थियो । भारतलाई हराउँदै फाइनल पुगेको नेपाल बंगलादेशसँग पराजित भएर उपाधिबाट विमुख भएको थियो । उनको जिवनीमा आधारित अन्जिला फिल्म निर्माण गर्ने घोषणा पनि गत वर्ष भएको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]