2 years ago
October 22, 2022
काठमाडौं (हाम्रो खेलकुद) – बंगलादेशमा अर्काे महिना हुने महिला यू१५ साफ च्याम्पियनसिपको लागि नेपाली युवा टोलीको घोषणा भएको छ ।
टोलीकी मुख्य प्रशिक्षक भगवती रानाले च्याम्पियनसिपका लागि २३ सदस्यीय अन्तिम टोली घोषणा गरेका हुन् । बन्द प्रशिक्षणमा ३० खेलाडी रहेका थिए । सानीमाया स्याङ्तान, सिवांगी स्नेही, दिलमाया घिसिङ, यसोधा बोहरा, निर्मला आचार्य, सन्जी थिङ र अनिषा विकले टोलीमा स्थान बनाउन सकेनन् ।
महिला यू१५ साफ च्याम्पियनसिप कात्तिक १५ देखि २५ गते सम्म हुने बंगलादेशको ढाकास्थित बिएसएसएसएमके स्टेडियममा हुनेछ । डबल राउन्ड रोविन लिगका आधारमा हुने च्याम्पियनसिपमा नेपालसहित आयोजक बंगलादेश र भुटानको मात्रै सहभागिता रहेको छ । खेल तालिका अनुसार नेपालले पहिलो खेलमा भुटानसँग कात्तिक १७ गते खेल्नेछ ।
नेपालले कात्तिक १९ गते आयोजक बंगलादेशसँग खेल्नेछ । त्यसपछि नेपालले फेरि कात्तिक २३ गते भुटान र कात्तिक २५ गते बंगलादेशसँग खेल्नेछ । डबल राउण्ड रोबिन लिगपछि शीर्ष टोलीले उपाधि जित्नेछ । मुख्य प्रशिक्षकमा भगवती राना मगर, सहायक प्रशिक्षकमा मंगल महर्जन र गोलकिपर प्रशिक्षकमा छन्नुराम चौधरी छन् ।
अन्तिम टोली
गोलरक्षक – राधिका ओली, सुजाता तामाङ र रुपा धिमाल
डिफेन्डर – सीता रोकाया, अमिता भुल, दीपा मगर, अन्जना पुन मगर, प्रेरणा डोल्मा लामा, रेणु लिम्बु र विपना स्नेही
मिडफिल्डर – सिमरन राई, पुनम चेम्जोङ, भावना परियार, सविता मन्डल, भुमिका बुढाथोकी, सुशिला केसी, सुक्रिया मिया, रेविका नेपाली, मनिषा सेन,
फरवार्ड – दीपा रोकाया, समिक्षा मगर, वर्षा ओली र सेनु परियार
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]