महिला फुटबलमा एपिएफलाई स्वर्ण

वालिङ (हाम्रो खेलकुद)– नेपाल एपिएफ क्लबले नवौं राष्ट्रिय खेलकुद अन्तर्गत महिला फुटबलमा स्वर्ण पदक जितेको छ ।

नवौंको सातौं तथा अन्तिम दिन अर्को विभागिय टोली नेपाल पुलिस क्लबलाई फाइनलमा २–१ ले हराउँदै एपिएफले स्वर्ण पदक जितेको हो । एपिएफका लागि दुवै गोल सावित्रा भण्डारी सम्बाले गरेकी थिइन् ।

पुलिसका लागि निरु थापाले गोल फर्काएकी थिइन् । सम्बाले सबै खेलमा गोल गरेकी छिन् । उनले प्रतितयोगिता भर १४ गोल गरिन् ।

राष्ट्रिय खेलकुदममा एपिएफको लगातार तेस्रो पटक च्याम्पियन बनेको हो । यसअघि सातौं र आठौं संस्करणमा एपिएपले स्वर्ण पदक जितेको थियो । अर्को विभागिय टोलीलाई सेमिफाइनलमा १–० ले हराउँदै एपिएफ फाइनल पुगेको थियो । अर्को सेमिफाइनलमा पुलिसले प्रदेश १ लाई ३–० ले हराएको थियो ।

विहीबार नै आर्मीले महिला फुटबलमा कास्य पदक जितेको थियो । आर्मीले प्रदेश १ लाई ७–० ले हराउँदै तेस्रो स्थान पक्का गरेको हो । आर्मीका लागि अमिसा कार्कीले ह्याट्रिक गरेकी थिइन् ।