2 years ago
October 16, 2022
एजेन्सी – इंग्लिस प्रिमियर लिगमा लिभरपुलले म्यानचेस्टर सिटीलाई पराजित गरेको छ । लिभरपुलले घरेलु मैदानमा सिटीमाथि १–० को जित निकालेको हो ।
लिभरपुलको जितमा दोस्रो हाफमा मोहम्मद सलाहले गरेको गोल नै निर्णायक बन्यो । उनले ७६औं मिनेटमा गोल गर्न सफल भएका थिए । एनफिल्डमा आइतबार राति भएको खेलमा घरेलु टोली लिभरपुलले सिटीसँग दवाव झेलेपनि गोल गर्दै महत्वपूर्ण ३ अंक लिन सफल भयो ।
५३औं मिनेटमा फिल फोडेनले गोल गरेपनि भिएआरबाट मान्यता नपाउँदा सिटी अग्रता लिनबाट चुकेको थियो उक्त गोलको मुभमा एर्लिङ हालान्डले फाविन्होलाई फउल गरेको देखिएको थियो ।
त्यसपछि ७६औं मिनेटमा मोहम्मद सलाहले गोल गर्दै लिभरपुललाई १–० को अग्रता दिलाए । गोलरक्षक एलिसन बेकरले छिटो गरि दिएको पासलाई नियन्त्रणमा लिदै सलाहले गोल गर्न सफल भएका थिए ।
८६औं मिनेटमा लिभरपुलका योर्गेन क्लोप रातो कार्ड खाँदै टचलाइन छाड्न बाध्य भए । त्यसपछि थप गोल निस्कन नसक्दा लिभरपुल विजयी हुन सफल भयो ।
यस जितसँगै लिभरपुल ९ खेलबाट १३ अंक जोडेर आठौं स्थानमा उक्लिएको छ । पराजित सिटीले शीर्षस्थानको आर्सनलसँगको अंक दुरी छोट्याउने अवसर गुमाउदा दोस्रोमा यथावत रहेको । सिटीको १० खेलबाट २३ अंक छ । समान २३ अंक नै रहेपनि टोटेनहम गोलऋनतरमा तेस्रोमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]