राष्ट्रिय लिगमा भोलि दिनको साँढे तिन बजे मनाङ मर्स्याङ्दि क्लब र थ्रि स्टार क्लब भिड्दैछन्|

सातदोबाटो स्थित एन्फा कम्पलेक्सको एष्ट्रो टर्फ मैदानमा हुने खेलमा दुवै टोली जितको आशा लिएर मैदानमा उत्रनेछन्| खेलअघि दुवै टोलीलाई आफ्नो पछिल्लो खेल गुमाएका महत्वपुर्ण खेलाडीहरुको सहयोग पनि मिल्नेछ|

थ्रि स्टारका पुर्व खेलाडी विराज महर्जन यसपटक मनाङबाट खेल्दैछन् भने मनाङका पुर्व कप्तान सागर थापा थ्रि स्टारको नेतृत्व गर्दै मैदानमा उत्रनेछन् |

थ्रि स्टारका लागि सन्तोष साहुखल एक खेलको निलम्बनपछि फर्कनेछन् भने मनाङका विगंर सुशील श्रेष्ठ र सेन्टर ब्याक चिको पनि दोश्रो पहेंलो कार्डका कारण पुलिस विरुद्ध खेल गुमाएपछि पुनरागमन गरदैछन्| थ्रि स्टारले पछिल्लो खेलमा सशत्र प्रहरी बललाई ४-१ले हराएको थियो भने मनाङ्ले नेपाल पुलिस क्लबसंग गोलरहित बराबरी खेलेको थियो|

हिजो भएको झापा र मोरङ विचको खेल गोलरहित बराबरीमा टुंगेपछि दुवै टोली जित हात पारेर पहिलो स्थान हासिल गर्न आतुर छन्|

लिग सुचारु भएसंगै दुई विदेशी फर्वार्ड भित्र्याएको थ्रि स्टारलाई कुनै इन्ज्युरी समस्या देखिन्न भने मनाङको टोलीमा नयाँ खेलाडीले घाइते खेलाडीको पदपुर्ति गर्ने विश्वास लिइएको छ|

मनाङले डिफेन्डर हेम गुरुङलाई घाइते भएका कारण गुमाएपछि आइभोरी कोष्टका मुसा फिनिगेलाई आवद्द गरिसकेको छ |

मनाङ र थ्रि स्टार विचको खेलको सम्भावित ११ हेर्नुहोस्