पोखरा (हाम्रो खेलकुद)– नवौं राष्ट्रिय खेलकुदअन्तर्गत पुरुष खेलको उद्घाटन खेल नै विवादित बनेको छ । प्रदेश १ ले आफूविरुद्ध गैर आवासिय नेपाली संघ (एनआरएनए) ले नियम विपरित नेपालमै रहेका खेलाडीलाई खेलाउन लागेकोमा विरोध जनाएको थियो । खेलपछि प्रोटेस्ट हाल्न पाउने गरि खेल्न आयोजकले आग्रह गरेपछि प्रदेश १ खेल्न राजी भएको थियो ।

गोस्टेघाट फुटबल मैदानामा बिहीबार भएको खेलमा राष्ट्रिय टोलीका खेलाडी सम्मलित एनआरएनले प्रदेश १ लाई २–० ले हराएको थियो । संजोक राई र विमल घर्तीले प्रदेश १ विरुद्ध गोल गरेका थिए । प्रदेश १ ले बिहीबार साँझ नै नवौंका फुटबलका संयोजकलाई एनआरएनएविरुद्ध दाबी विरोध पेश गरेका छन् ।

पुरुष फुटबलअन्तर्गत प्रदेश नं.१ विरुद्ध एनआरएनएबाट खेल्ने खेलाडी राखेप को खेल कार्य विधिमा टोलीका ८ खेलाडी नपर्ने भएकोले खेलको नतिजा आफ्नो पक्षमा दिन माग गरेको छ । एनआरएनबाट खेल्ने खेलाडी कम्तमिा १ सय ८० दिन विदेशमा बसोबास गरेको हुनुपर्नेमा टोलीबाट बिहीबार खेल्ने ८ खेलाडी नियविपरित खेलाइएको प्रदेश १ को दाबी रहेको छ ।

आरएनबाट अनन्त तामाङ, पुजन उपरकोटी, सुजल श्रेष्ठ, संजोक राई, विमल घर्तीमगर, विशाल राई, इशान खड्का र अशोक खवास खेल्ने विरुद्ध प्रदेश १ ले प्रोटेस्ट राखेको हो । ८ मध्ये अधिकाशं प्रदेश १ कै खेलाडी हुन् । खेलाडीले प्रदेशले आफूहरुलाई वास्ता नगरेको र प्रदेशले भने खेलाडी छनोटमा सहभागी नभएको दाबी गर्दै आएका छन् ।