एजेन्सी – इटालियन क्लब युभेन्ट्स युइएफए च्याम्पियन्स लिगमा इजरायली क्लब मकावी हाइफासँग स्तब्ध बनेको छ । युभेन्ट्स घरेलु टोली मकावी हाइफासँग २–० ले स्तब्ध बनेको हो ।

युभेन्ट्सलाई स्तब्ध पार्न मकावी हाइफाका ओमेर एट्जिलीले दुवै गोल गरे । उनले दुवै गोल पहिलो हाफमा गरेका थिए । हाइफामा मंगलबार राति भएको खेलको सातौं मिनेटमा हाइफाको गोलबाट मकावीले सुरुवाती अग्रता लिएको थियो । उनले पिएरे कोरनुडको पासमा गोल गर्न सफल भएका थिए ।

४२औं मिनेटमा ओमेरले व्यक्तिगत र टोलीका लागि दोस्रो गोल गर्दै मकावीको अग्रता दोब्बर पारे । त्यसपछि थप गोल निस्कन नसक्दा मकावीले महत्वपूर्ण जित निकाल्न सफल भयो । घरेलु टोलविरुद्ध बल पोसेसन राख्दै दवाव बढाएपनि गोल गर्न नसक्दा युभेन्ट्स पराजित हुन पुग्यो ।

यसअघि युभेन्ट्सले मकावीलाई ३–१ ले पराजित गरेको थियो । मकावीसँगको हारसँगै युभेन्ट्सको नकआउट चरण पुग्ने सम्भावना झिनो बनेको छ ।

समूह ‘एच’ मा पिएसजी र बेन्फिकाको समान ८ अंक भएपनि बढी गोलको आधारमा पिएसजी शीर्ष तथा बेन्फिका दोस्रो स्थानमा छ । युभेन्ट्स र मकावी हाइफाको समान ३ अंक रहेपनि युभेन्ट्स गोलअन्तरमा तेस्रो तथा मकावी पुछारमा छ ।

अन्य नतिजा
समूह ‘ई’ – डिनामो जाग्रिवविरुद्ध रेडबुल साल्जवर्ग (१–१) र एसी मिलानविरुद्ध चेल्सी (०–२)
समूह ‘एफ’ – सेल्टिकविरुद्ध आरबी लाइप्जिग (०–२) र साख्तर डोनेस्कविरुद्ध रियल म्याड्रिड (१–१)
समूह ‘जी’ – एफसी कोपेनहेगनविरुद्ध म्यानचेस्टर सिटी (०–०) र बोरुसिया डर्टमुन्डविरुद्ध सेभिया (१–१)
समूह ‘एच’ – मकावी हाइफाविरुद्ध युभेन्ट्स (२–०) र पिएसजीविरुद्ध बेन्फिका (१–१)