काठमाडौं (हाम्रो खेलकुद) – बंगलादेशमा अर्काे महिना हुने यू१५ महिला साफ च्याम्पियनसिपको खेल तालिका सार्वजनिक भएको छ ।

दक्षिण एसियाली फुटबल फेडेरेसन (साफ) ले बंगलादेशको ढाकामा कात्तिक १५ देदि २५ गते सम्म हुने महिला यू१५ साफ च्याम्पियनसिपको सोमबार खेल तालिका सार्वजनिक गरेको हो ।

डबल राउन्ड रोविन लिगका आधारमा हुने च्याम्पियनसिपमा नेपालसहित आयोजक बंगलादेश र भुटानको मात्रै सहभागिता रहेको छ । खेल तालिका अनुसार नेपालले पहिलो खेलमा भुटानसँग कात्तिक १७ गते खेल्नेछ ।

त्यसपछि नेपालले कात्तिक १९ गते आयोजक बंगलादेशसँग खेल्नेछ । त्यनेपालले त्यसपछि फेरि कात्तिक २३ गते भुटान र कात्तिक २५ गते बंगलादेशसँग खेल्ने तालिका छ । खेलहरु बंगलादेशको ढाकास्थित बिएसएसएसएमके स्टेडियममा हुनेछ ।

डबल राउण्ड रोबिन लिगपछि शीर्ष टोलीले उपाधि जित्नेछ । च्याम्पियनसिपका लागि नेपालले प्रशिक्षण सुरु गरिसकेको छ । बन्द प्रशिक्षणमा हाल ३० खेलाडी छन् । मुख्य प्रशिक्षकमा भगवती राना मगर, सहायक प्रशिक्षकमा मंगल महर्जन र गोलकिपर प्रशिक्षकमा छन्नुराम चौधरी छन् ।

बन्द प्रशिक्षणमा रहेका टोली

गोलरक्षक – राधिका ओली, सुजाता तामाङ, सानीमाया स्याङ्तान र रुपा धिमाल

डिफेन्डर – दीपा धिमाल, सन्जी थिङ, अन्जना पुन मगर, विपना स्नेही, रेणु लिम्बु, अनिषा विक, अमिता भुल, प्रेरणा डोल्मा लामा र सीता रोकाया

मिडफिल्डर – रेविका नेपाली, सिवांगी स्नेही, मनिषा सेन, सुशिला केसी, सिमरन राई, दिलमाया घिसिङ, यसोधा बोहरा, पुनम चेम्जोङ, निर्मला आचार्य, सविता मन्डल, भुमिका बुढाथोकी र भावना परियार

फरवार्ड – समिक्षा मगर, दीपा रोकाया, वर्षा ओली, सेनु परियार र सुक्रिया मिया