2 years ago
October 10, 2022
एजेन्सी – यो सिजन उच्च प्रदर्शन गरिरहेको लन्डन क्लब आर्सनलले लिभरपुललाई पराजित गर्दै शीर्षस्थानमा उक्लिएको छ ।
आर्सनलले घरेलु मैदानमा लिभरपुललाई ३–२ ले पराजित गर्दै म्यानचेस्टर सिटीलाई पछि पार्दै शीर्षस्थानमा उक्लन सफल भएको हो ।
इमिरेट्स स्टेडियम लन्डनमा आइतबार राति भएको खेलमा घरेलु टोलीको जितमा बुकायो साकाले दुई तथा गाव्रियल मार्टिनेलीले एक गोल गरे । लिभरपुलका डार्विन नुनेज र रोबर्टाे फिर्मिनोले गोल गरेपनि हार टार्न सकेन ।
खेलको पहिलो मिनेटमा नै मार्टिन ओडेगार्डको पासमा गाव्रियल मार्टिनेलीले गोल गर्दै आर्सनलाई १–० को अग्रता दिलाए । ३४औं मिनेटमा डार्विन नुनेजले लुइस डियाजको पासमा गोल गर्दै खेललाई १–१ गोलको बराबरीमा ल्याए ।
पहिलो हाफको इन्ज्युरी समयको थप गरिएको पाँचौं मिनेटमा बुकायो साकाले गोल गर्दै आर्सनलाई पहिलो हाफमा २–१ ले अघि बढाए । उनले मार्टिनेलीको पासमा गोल गर्न सफल भएका थिए ।
५३औं मिनेटमा परिवर्तित खेलाडी रोबर्टाे फिर्मिनोले गोल गर्दै खेललाई २–२ गोलको बराबरीमा ल्याए । चोट बोकेर खेल्न नसक्ने भएपछि ४२औं मिनेटमा लुइस डियाजको स्थानमा मैदान छिरेका फिर्मिनोले डिएगो जोटाको पासलाई सदुपयोग गरेका थिए ।
त्यसपछि ७६औं मिनेटमा बुकायो साकाले पेनाल्टीमा गोल गर्दै आर्सनलाई महत्वपूर्ण जितसहित ३ अंक दिलाए । गाब्रियल जेससलाई जोटाले फउल गरेपछि रेफ्रीले आर्सनललाई पेनाल्टी प्रदान गर्दा साका चुकेनन् । यो सिजन कमजोर प्रदर्शन गरिरहेको लिभरपुल त्यसपछि खेलमा फर्कन नसक्दा आर्सनल विजयी हुन सफल भयो ।
यस जितसँगै शीर्षस्थानमा उक्लिएको आर्सनलको ९ खेलबाट २४ अंक पुगेको छ । दोस्रो स्थानमा रहेको म्यानचेस्टर सिटीको २३ अंक छ । पराजित लिभरपुल ८ खेलबाट १० अंक जोडेर १०औं स्थानमा रहेको छ ।
अन्य नतिजा
क्रिस्टल प्यालेसविरुद्ध लिड्स (२–१), वेस्ट ह्यामविरुद्ध फुलहम (३–१) र एभर्टनविरुद्ध म्यानचेस्टर युनाइटेड (१–२)
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]