2 years ago
October 8, 2022
एजेन्सी – फुटबल खेलाडीमा केलियन एमबाप्पे सर्वाधिक आम्दानी खेलाडी बनेका छन् । फोब्र्सको पछिल्लो सुचीमा फुटबल खेलाडीमध्ये सबैभन्दा बढी आम्दानी गर्नेमा फ्रान्सेली तथा पेरिस सेन्ट जर्मेन(पिएसजी) का युवा फरवार्ड एमबाप्पे रहेका छन् ।
पछिल्लो नौं वर्षमा लियोनल मेस्सी वा क्रिस्टियानो रोनाल्डोबाहेक बढी आम्दानी गर्ने एमबाप्पे पहिलो फुटबलर बनेका छन् ।
फोब्र्सका अनुसार २३ वर्षे एमबाप्पेको यो वर्ष आम्दानी १ सय २८ मिलियन अमेरिकी डलर रहेको छ । एमबाप्पेका पिएसजी सहकर्मी मेस्सी दोस्रो स्थानमा रहेका छन् । उनको बार्षिक आम्दानी १ सय २० मिलियन रहेको छ ।
त्यस्तै म्यानचेस्टर युनाइटेडका रोनाल्डो तेस्रो स्थानमा छन् । उनको आम्दानी एक सय मिलियन अमेरिकी डलर रहेको छ ।पिएसजीका नेयमार र लिभरपुलका मोहम्मद सलाह शीर्ष ५ मा छन् । ब्राजिलियन फरवार्ड नेयमारको आम्दानी ८७ हजार मिलियन र सलाहको ५३ मिलियन डलर छ ।
रोनाल्डो र मेस्सी भन्दा अघि सन् २०१३ मा सर्वाधिक आम्दानी गर्ने फुटबल खेलाडीमा इग्ल्यान्ड फुटबल टोलीका पूर्व कप्तान डेभिड बेकह्याम रहेका थिए । एमबाप्पेले मेमा पिएसजीको आकर्षक तीन वर्षे नविकरण प्रस्तावमा सम्झौता गरेका थिए । त्यति बेला उनी रियल म्याड्रिड जाने चर्चा चलेको थियो । तर एमबाप्पेले अन्ततः पिएसजीमै रहने निर्णय गरे ।
फ्रान्सका लागि विश्व कप जितेका एमबाप्पेले पिएसजीका लागि ११ उपाधि जितिसकेका छन् । जसमा ४ वटा ला लिगा उपाधि छन् । उनी मोकाकोबाट सन् २०१७ मा लोनमा पिएसजी पुगेका थिए । बोरुसिया डर्टमण्डबाट यसै सिजन प्रिमियर लिग टोली म्यानचेस्टर सिटी पुगेयता १२ खेलमा १९ गोल गरिसकेका इर्लिङ हालान्ड बढी आम्दानी गर्ने खेलाडीको छैटौं स्थानमा छन् ।
बढी आम्दानी गर्ने शीर्ष १० मध्ये प्रिमियर लिगका ४ खेलाडी छन् । जसमा हालान्डसहित रोनाल्डो, सलाह र सिटीका केभिन डि ब्रुएने छन् । सर्वाधिक आम्दानी गर्ने शीर्ष १० फुटबलर मध्ये हालान्ड र एमबाप्प मात्र ३० वर्षभन्दा कम उमेरका हुन् ।
फोब्र्सका अनुसार यो सिजन सर्वाधिक आम्दानी गर्ने शीर्ष १० फुटबल खेलाडी
खेलाडी, क्लब/देश, आम्दानी डलरमा
केलियन एमबाप्पे, पिएसजी / फ्रान्स, १ सय २८ मिलियन
लियोनल मेस्सी, पिएसजी/अर्जेन्टिना, १ सय २० मिलियन
क्रिस्टियानो रोनाल्डो, म्यानचेस्टर युनाइटेड/ पोर्चुगल, १ सय मिलियन
नेयमार, पिएसजी/ब्राजिल, ८७ मिलियन
मोहम्मद सलाह, लिभरपुल/इजिप्ट, ५३ मिलियन
इर्लिङ हालान्ड, म्यानचेस्टर सिटी/नर्वे, ३९ मिलियन
रोर्बेट लेवान्डोवस्की, बार्सिलोना/पोल्यान्ड, ३५ मिलियन
इडन हाजार्ड, रियल म्याड्रिड/बेल्जियम, ३१ मिलियन
आन्द्रे इनियस्टा, भिसेल कोबे/स्पेन, ३० मिलियन
केभिन डि ब्रुएने, म्यानचेस्टर सिटी/बेल्जियम, २९ मिलियन
December 16, 2024
हिमाल खरेल,बिर्तामोड उपाधिको दाबेदार मध्ये त्रिभुवन आर्मी फुटबल क्लब झापाको बिर्तामोडमा जारी प्रथम झापा कपको क्वार्टर फाइनल खेलबाटै बाहिरिएको छ । सिरहाको सलहेश युवा क्लबसँग २-० ले पराजित हुँदै आर्मी खेलबाट बाहिरिएको हो । झापामा हुने प्रतियोगितामा पहिलोपटक सहभागिता जनाएको सलहेश आर्मीलाई पराजित गर्दै सेमिफाइनलमा पुगेको हो । सलहेशको जितमा अभि लामा र आदित्य शाक्यले […]
December 16, 2024
दिपक बोहोरा,पाँचथर पाँचथर गोल्डकपको पाँचौ संस्करण फागुनमा हुने भएको छ । आयोजक पाँचथर क्लबले आइतवार पत्रकार सम्मेलन गर्दै एक विदेशीसहित ८ टोलीको सहभागितामा फिदिम माविको खेलमैदानमा प्रतियोगिता हुने जानकारी दिएको छ। फागुनमा प्रतियोगिता हुने भने पनि मिति भने पछि तय हुने बताइएको छ । सहभागी टोलीको लाग्न केहि समय लाग्ने आयोजक क्लबका अध्यक्ष कमल तुम्रोकले […]
December 16, 2024
एजेन्सी- स्पेनिस ला लिगामा शीर्षस्थानको बार्सिलोनाले अंक दूरी बढाउने मौका चुकाएको छ। बार्सिलोना आइतबार घरेलु मैदानमा लेगानेससँग १-० ले पराजित भएको हो । चौथो मिनेट मै सर्जियो गोन्जालेजले गरेको गोल बार्सिलोनालाई हराउन पर्याप्त बन्यो । अर्को खेलमा एट्लेटिको मड्रिड विजयी हुँदै दोस्रो स्थानमा उक्लिएको छ । घरेलु मैदानमा गेटाफेलाई १-० ले हराउँदै एट्लेटिको रियल म्याड्रिडलाई […]
