एजेन्सी– रियल म्याड्रिडले च्याम्पियन्स लिगमा लगातार तेस्रो जित निकालेको छ । घरेलु मैदानमा गएराती भएको खेलमा साख्तार डोनेस्कलाई २–१ ले हराउँदै रियलले ३ खेलमा शतप्रतिशत नतिजा निकालेको हो ।

रोड्रिगो र भिनिसियस जुनियरले पहिलो हाफमै गरेको गोलको अग्रतालाई जोगाउँदै साविक विजेता रियलले समूह एफमा सफल नतिजा निकालेको हो । ३६ वटा आक्रमण गरेपनि रियल २ गोल मात्र गर्न सफल भएको थियो ।

साख्तारका गोलकिपर एनाटोली ट्रुबिनको उच्च प्रदर्शनका कारण रियल थप गोल गर्न भने असफल भएको थियो । पहिलो हाफमै ओलेसान्द्र जुब्कोभकोले गोल फर्काउदै रियलसँगको गोलअन्तरलाई घटाएका थिए ।

यो जितसँगै कार्लो एन्सेलोटीको टोलीले समूहमा ५ अंकको अग्रता बनाएको छ । रोड्रिगोले १३ औं झण्डै २० यार्डबाट गोल गरेका थिए । उनकै पासमा भिनिसियले २८ औं मिनेटमा टोलीका लागि दोस्रो गोल गरेका थिए । करिम बेन्जेमासँग वान टु वान खेल्दै रोड्रिगोले पास निकालेका थिए ।

रियलले तेस्रो गोलका बेन्जेमा, फेड्रिको भाल्भार्डे र भिनिसियसले पहार गरेपनि विपक्षी गोलकिपर ट्रुबिनले सफल हुन दिएनन् । बोडान मेखालियचेन्कोको सटिक क्रसमा जुब्कोभले पहिलो हाफमै गोल फर्काउका थिए । दोस्रो हाफको सुरुवातमै साख्तारले बराबरी गोलको अवसर खेर फालेको थियो ।