एजेन्सी – युइएफए च्याम्पियन्स लिगमा जर्मन क्लब बायर्न म्युनिखले सानदार जित निकालेको छ । घरेलु मैदानमा बायर्नले चेक क्लब भिक्टोरिया प्लेजेनमाथि ५–० को सानदार जित निकालेको हो ।

बायर्नको जितमा लिरोए सानेले दुई तथा सर्ज जिनाब्री, साडियो माने र इरिक म्याक्सिम चुपो मोटिङले गोल गरे । एलिएन्ज एरिना म्युनिखमा मंगलबार राति भएको खेलको सातौ मिनेटमा सानेको गोलबाट बायर्नले अग्रता लिन सफल भयो । उनले जमल मुसिएलाको पासमा गोल गर्न सफल भएका थिए ।

१३औं मिनेटमा सर्ज जिनाब्रीले लियोन गोरेट्जकाको पासमा गोल गर्दै बायर्नको अग्रता दाब्ब पारे ।२१औं मिनेटमा साडियो मानेले गोल गर्दै बायर्नलाई पहिलो हाफमा ३–० ले अघि बढाए । ३६औं मिनेटमा जमल मुसिएलाले गोल गरेपनि गोलले मान्यता पाए ।

५०औं मिनेटमा सानेले साडियो मानेको पासमा व्यक्तिगत दोस्रो तथा टोलीका लागि चौथो गोल गर्दै बायर्नलाई ४–० को आरामदायी स्थितिमा अघि बढाए । ५९औं मिनेटमा चुपो मोटिङले लियोन गोरेट्जकाको पासमा गोल गर्दै बायर्नलाई ५–० को सानदार जित दिलाए ।

यस जितसँगै बायर्नले समूह ‘सी’ मा लगातार तेस्रो जित निकालेको छ । तेस्रो जितसँगै बायर्न ९ अंक जोडेर शीर्षस्थानमा रहेको छ । पराजित प्लेजेन अंक विहीन हुँदै पुछारमा छ ।

यही समूहको अर्काे खेलमा क्याटलान क्लब बार्सिलोना इटालियन क्लब इन्टर मिलानसँग १–० ले स्तब्ध बनेको छ । इन्टरको जितमा हकान चल हानोग्लुले पहिलो हाफमा गरेको गोल नै निर्णायक बन्यो ।

यो नतिजापछि इन्टर ३ खेलबाट ६ अंक जोडेर दोस्रो तथा ३ खेलबाट ३ अंक जोडेर बार्सिलोना तेस्रो स्थानमा रहेको छ ।