सातौं राष्ट्रिय खेलकुद, महिला फुटबल
काठमाडौं (हाम्रो खेलकुद)– सातौं राष्ट्रिय खेलकुदअन्तर्गत महिला फुटबलका दुई अर्थहिन खेलमा सुदूर पश्चिमाञ्चल र मध्यपश्चिमाञ्चल विजयी भएका छन् । सुनसरीको दुहबी रंगशालामा बिहीबार भएको समूह ‘क’ को खेलमा सुदूर पश्चिमाञ्चलले पश्चिमाञ्चललाई १–० ले हरायो । सुदूरपश्चिमाञ्चलका लागि सुशीला चौधरीले गोल गरिन् । खेलमा सुदूर पश्चिमकी हेमा चौधरी प्लेयर अफ दी म्याच घोषित भइन् ।

समूह ‘ख’ खेलमा मध्यपश्चिमाञ्चलले पूर्वाञ्चललाई २–१ ले पराजित गर्यो । आशा शाहीले ३१ औं मिनेटमा गोल गर्दै मध्यपश्चिमाञ्चलाई १–० को अग्रता दिलाइन् । ५० औं मिनेटमा पूर्वाञ्चलकी मुना लावतीले पेनाल्टीमार्फत गोल गर्दै खेललाई १–१ को बराबरी स्थितिमा पु¥याइन् ।

मध्यपश्चमाञ्चलकी मन्जु चौधरीले ६२ औं मिनेटमा गोल गर्दै टिमको जित सुनिश्चित गरिन् । पराजित पूर्वाञ्चलकी मुना लावती प्लेयर अफ दी म्याच चुनिइन् । प्लेयर अफ दी म्याच दुवैले २ हजार रुपैयाँ प्राप्त गरे । बिहीबार खेल्ने चारै टोली यसअघि नै प्रतियोगितबाट बाहिरिसकेको छ ।

समूह ‘क’ बाट पुलिस विजेता र एपिएफ उपविजेता तथा समूह ‘ख’ त्रिभुवन आर्मी विजेता र मध्यमाञ्चल उपविजेताका रुपमा अघि बढिसकेका छन् । शुक्रबार हुने सेमिफाइनलमा पुलिस र मध्यमाञ्चल तथा आर्मी र एपिएफबीच प्रतिस्पर्धा हुने स्थानिय संयोजनकर्ता दीलिप राईले जानकारी दिए ।