काठमाडौं (हाम्रो खेलकुद) – एएफसी यू–२० एसियन कप छनोटको पहिलो खेलमा नेपालले आज (शनिबार) भुटानको सामना गर्दैछ ।

शेख अलि बिन मोहमद अल खालिफा स्टेडियम बहराइनमा नेपाल र भुटानबीचको खेल राति ८ः४५ बजे सुरु हुनेछ । भुटानलाई हराएर छनोटको समूह ‘बी’ मा रहेको नेपाल सुखद सुरुवात गर्ने योजनामा हुनेछ ।

भुटान पनि नेपाललाई हराएर सुखद् सुरुवातको योजनामा रहनेछ । नेपाली यू२० टोलीका मुख्य प्रशिक्षक मेघराज केसीले छनोटको लागि तयारी राम्रो भएको र एसियन कपमा छनोट हुने आशा राखेको समेत बताएका छन् ।

नेपाल रहेको समूह ‘बी’ मा भुटानसँगै कतार, बहराइन र बंगालादेश छन् । नेपालले सोमबार कतारसँग बिहीबार बहराइनसँग तथा अर्काे साताको आइतबार बंगलादेशसँग खेल्नेछ । समूह विजेताले सन् २०२३ मा उज्वेकिस्तानमा आयोजना हुने यू२० एसियन कपमा स्थान बनाउने छन् ।

मुख्य प्रशिक्षक मेघराज केसीले यसपटक अघिल्लो महिना साफ यू२० च्याम्पियनसिप खेलेका टोलीमा केही परिवर्तन गरेका छन् । स्यान्सु भुषाल, जान ताम्ली, राज थोकर र राकेश विश्वकर्माले टोलीमा थपिएका नयाँ खेलाडी हुन् ।

नेपाली टोली
ईश्वर गुरुङ, टोप बहादुर राना, जियारथ शेख, स्यान्सु भुषाल, जान ताम्ली, राज थोकर, अमर श्रेष्ठ, अजय चौधरी, सुमित श्रेष्ठ, श्रृजन दानी, अभिषेक वाइबा, राकेश विश्वकर्मा, सञ्जिव लामा, दिपेश गुरुङ, आशिष राई, सन्दिप कार्की, जन्मजय धामी, कृतिश रत्न छुन्जु, मनग्य नकर्मी, आयुष घलान, निरन्जन मल्ल, रोहन खड्गी र सुगम सुवाल, मेघराज केसी (मुख्य प्रशिक्षक), उज्जल मानन्धर (गोलकिपिङ प्रशिक्षक), बाल गोपाल साहुखल (सहायक प्रशिक्षक), पुरुषोत्तम थापा (हेड अफ डेलिगेसन), भगवान बहादुर दर्लामी मगर (टिम अफिसियल), लोकेन्द्र कुँवर (फिजियो) र दिवाकर घले गुरुङ (टिम म्यानेजर) र उमेश दाहाल (मिडिया अफिसर)