8 years ago
December 21, 2016
-सातौं राष्ट्रिय खेलकुद
-सेमिफाइनलमा पुलिस र मध्यमाञ्चल तथा एपिएफ र आर्मीबीच प्रतिस्पर्धा हुने
काठमाडौं (हाम्रो खेलकुद)– सातौं राष्ट्रिय खेलकुदअन्तर्गत महिला फुटबलमा बुधबार दुवै खेल बराबरीमा टुंगिएको छ । विभागिय डर्बीमा एपिएफ र नेपाल पुलिस क्लबले १–१ को बराबरीमा टुंगियो भने अर्को खेलमा त्रिभुवन आर्मी क्लब र मध्यमाञ्चलले गोलरहित बराबरी खेले ।
सुनसरीको दुहबी रंगशालामा जारी प्रतियोगितामा समूह ‘क’ बाट सेमिफाइनल पुगेका दुई विभागिय टोलीले बराबरी खेल्दै अंक बाढेका हुन् । बराबरीपछि दुवै टोलीको समान ७ अंक छ । गोलअन्तरमा पुलिस शीर्षस्थानमा र एपिएफ दोस्रो स्थानमा रह्यो । कुमारी गुरुङको गोलबाट पुलिसले १८ औं मिनेटमा अग्रता लिएको थियो भने एपिएफका लागि तेजकुमारी गुरुङले ३८ औं मिनेटमा गोल फर्काइन् ।
३ खेलमा पुलिसले ८ गोल गर्दैै १ गोल खाएको थियो । एपिएफले त्यत्तिनै खेलमा ८ गोल गर्दै २ गोल खाएको छ । एपिएफकी रुपा रानामगर प्लेयर अफ दी म्याच घोषित भइन् । कोरियामा रहेका रमेश तामाङले प्रायोजन गरेका २ हजार रुपैयाँ रुपालाई अखिल नेपाल फुटबल संघ (एन्फा) का मानार्थ अध्यक्ष टासी घलेले हस्तान्तरण गरे । समूह ‘क’ मा रहेका सूदुरपश्चिमाञ्चल र पश्चिमाञ्चल प्रतियोगिताबाट बाहिरिसकेका छन् ।
समूह ‘ख’ मा गोलरहित बराबरी खेलेपछि आर्मी समूह विजेता र मध्यमाञ्चल उपविजेताका रुपमा अन्तिम चारमा पुगेका छन् । आर्मीको ३ खेलमा ७ अंक र मध्यमाञ्चलको ५ अंक छ । बुधबारको खेलमा मध्यमाञ्चलकी रोजीना श्रेष्ठ प्लेयर अफ दी म्याच घोषित भइन् । रोजीनाले सुरक्षा अस्पतालले प्रायोजन गरेको २ हजार रुपैयाँ पाइन् ।
शुक्रबार हुने सेमिफाइनलमा पुलिस र मध्यमाञ्चल तथा आर्मी र एपिएफबीच प्रतिस्पर्धा हुने स्थानिय संयोजनकर्ता दीलिप राईले जानकारी दिए । बिहीबार समूह क र ख दुवै समूहमा प्रतियोगितबाट बाहिरिसकेका दुई टोलीबीच प्रतिस्पर्धा हुनेछ ।
September 22, 2024
हिमाल खरेल, बिर्तामोड बेलबारी आरजु राइस अन्तर्राष्ट्रिय आमन्त्रण गोल्डकप फुटबल प्रतियोगितामा प्रदान गरिने अढाई किलो चाँदीमा दुई तोला सुनजडित गोल्डकपको ट्रफी सार्वजनिक गरिएको छ । गोल्डकपको मूल्य झण्डै ८ लाख रुपैयाँ रहेको बताइएको छ । आयोजक एलएक्ससिटी फुटबल क्लबले बेलबारी नगरपालिकाको सभाहलमा आइतवार पत्रकार सम्मेलन गर्दैै गोल्डकपको ट्रफी सार्वजनिक गरेको हो । बेलबारी ११ निवासी […]
September 22, 2024
हिमाल खरेल, बिर्तामोड झापा एफसी मोरङको पथरीमा जारी प्रथम पथरीशनिश्चरे गोल्डकप फुटबल प्रतियोगिताको सेमिफाइनलमा प्रवेश गरेको छ । पथरी ११ एफसीले आयोजना गरेको गोल्डकपमा आइतवार दोस्रो क्वार्टर फाइनलमा धरान सिटी एफसीलाई ४–० ले हराउँदै झापा ११ अन्तिम चारमा पुगेको हो । झापा ११ का लागि प्रदीप बुढाथोकीले ह्याट्रिक पूरा गरे । उनले खेलको नवौं , […]
September 22, 2024
एजेन्सी – जर्मन बुन्डेसलिगामा बार्यन म्युनिखले अपराजित यात्रा कायम राखेको छ । सिजनमा लगातार चौथो जित निकाल्ने क्रममा बायर्नले शनिवार विडर ब्रेमेनलाई ५-० ले पराजित गर्यो । ब्रेमेनको घरेलु मैदानमा भएको खेलमा बायर्नलाई जिताउन माइकल ओलिसीले २ तथा सर्ज नेर्भी, ह्यारी केन र जमाल मुसियालाले समान १ गोल गरे । ओलिसीले २३औं मिनेटमा गोल गर्दै […]