काठमाडौं (हाम्रो खेलकुद) – श्रीलंकामा हुने साफ यू १७ च्याम्पियनसिपमा भाग लिन नेपाली नेपाली युवा टोली शुक्रबार त्यसतर्फ प्रस्थान गरेको छ । २३ सदस्यीय खेलाडीसहितको टोली त्यसतर्फ प्रस्थान गरेको हो । साफ च्याम्पियनसिपपछि सन् २०२३ मा हुने एएफसी यू१७ एसियन कप छनोट खेल्नेछ ।

साफ यू–१७ च्याम्पियनसिप भदौं २० देखि २९ गतेसम्म हुनेछ । नेपाल रहेको समूह ‘बी’ मा भारत र भुटान तथा समूह ‘ए’ आयोजक श्रीलंका, माल्दिभ्स र बंगलादेश छन् । नेपालले भदौं २२ मा भुटानसँग खेल्दै प्रतियोगिताको शुरुवात गर्नेछ । त्यसपछि नेपालले समूह चरणको अन्तिम खेलमा भदौं २४ गते भारतसँग खेल्नेछ ।

समूह चरणपछि शीर्ष दुई टोली सेमिफाइनलमा पुग्नेछ । भदौं २७ गते सेमिफाइनल तथा भदौं २९ गते उपाधिका लागि प्रतिस्पर्धा गर्नेछ । प्रतियोगिताका सबै खेलहरु रेसकोर्स इन्टरनेसनल स्टेडियममा हुनेछ ।

नेपाली यू १७ टोली

गोलकिपर – कृशल मोक्तान, समिर चन्द र रुबिन बोगटी

डिफेन्डर – अश्विन घोरासैनी, सिमन्त थापा, युनेश बुढाथोकी, मदन पौडेल, दिपक थापा मगर, निशान्त तामाङ, युनिश मगर, विक्रम तामाङ, प्रितम कार्की र धिरज विश्वकर्मा

मिडफिल्डर – प्रशान्त लक्षम, मिराक लिङ्देन, सरोज दर्लामी, हरिशराज भट्ट र लच्छु थापा

फरवार्ड – निरज कार्की, धनसिंह विक, विनोद केसी, सिजल राई र सुवास बम