2 years ago
August 31, 2022
काठमाडौं (हाम्रो खेलकुद) – महिला साफ च्याम्पियनसिपको तयारीमा रहेको भुटानको महिला राष्ट्रिय टोलीले मैत्रीपूर्ण खेलमा विभागीय टोली त्रिभुवन आर्मी फुटबल क्लबलाई पराजित गरेको छ ।
लगनखेलस्थित आर्मीको खेल मैदानमा बुधबार भएको खेलमा भुटानले आर्मीलाई ४–० ले पराजित गरेको हो । भुटानको जितमा पेमा छिरिङले २ तथा सुनिता राई र गेले वाङ्मोले समान १ गोल गरिन् । २९औं मिनेटमा पेमाको गोलबाट भुटानले शुरुवाती अग्रता लिएको थियो । ३८औं मिनेटमा पेमाले दोस्रो गोल गर्दै अग्रता दोब्बर पारिन् ।
५८औं मिनेटमा सुनिताले गोल गर्दै भुटानलाई ३–० ले अघि बढाइन् । ७६औं मिनेटमा गेलेले गोल गर्दै भुटानलाई सहज जित दिलाइन् । भुटानविरुद्ध आर्मी दोस्रो रोजाईको खेलाडीसहित मैदान उत्रिएको थियो । पहिलो टोलीका प्राय सबै खेलाडी राष्ट्रिय टोलीमा रहेका छन् ।
आर्मीका अन्जना राना मगर, पुनम जर्घा मगर, विमला चौधरी, दीपा राई, इन्दिरा राई, अमिशा कार्की र रश्मी कुमारी घिसिङ राष्ट्रिय टोलीमा छन् । भुटान पछिल्लो एक सातायता काठमाडौंमा आएर प्रशिक्षणसँगै अभ्यास खेलमा व्यस्त छन् ।
दक्षिण एसियाका सातै राष्ट्रको सहभागिता रहने छैटौं महिला साफ च्याम्पियनसिप भदौ २१ गतेबाट असोज ३ गते सम्म त्रिपुरेश्वरस्थित दशरथ रंगशालामा हुनेछ । नेपालले भुटानसँग पहिलो दिन खेल्नेछ । त्यसपछि श्रीलंकासँग दोस्रो खेल भदौ २७ गते खेल्नेछ ।
समूह एमा साविक विजेता भारतसहित बंगलादेश, पाकिस्तान र माल्दिभ्स रहेका छन् । राउन्ड रोविन लिगपछि समूहका शीर्ष २ टोली सेमिफाइनलमा पुग्नेछन् । पछिल्लो पटक विराटनगरमा आयोजित च्याम्पियनसिपको फाइनलमा भारतले नेपाललाई हराएको थियो ।
January 15, 2025
सुमन अधिकारी,बुटवल आयोजक फर्साटिकर फुटबल क्लबले शुद्धोधन गाउँपालिका १२ औँ फर्साटिकर कप फुटबल प्रतियोगिताको उपाधि जितेको छ । फाइनलमा नवलपुरको अभिषेक चर्च व्वाइज फुटबल क्लबलाई बुधवार ट्राइबेकरमा पराजित गर्दै फर्साटिकरले उपाधि जितेको हो। निर्धारित ९० मिनेटको खेल २-२ गोलको बराबरी सकिएपछि खेल ट्राइब्रेकरमा गएको थियो । फर्साटिकरले २-० को अग्रता जोगाउन नसकेपछि उपाधिका लागि टाइब्रेकर […]
January 15, 2025
अर्जुन कार्की, बागलुङ जिल्ला प्रहरी कार्यालय बागलुङ र संकल्प पुर्नस्थापना केन्द्र बुधवार बागलुङमा जारी दोस्रो स्मृति कप फुटबल प्रतियोगिताको सेमिफाइनलमा प्रवेश गरेका छन् । प्रहरीले नेपाली सेनाको श्रीमेहर गणलाई ३-१ र संकल्पले नेपाली सेनाकै नारायण दल गण मुस्ताङलाई ट्राइबेकरमा पराजित गर्दै सेमिफाइनलको यात्रा तय गरेका हुन् । राष्ट्रिय खेलाडीसहित मैदान उत्रिएको प्रहरीको लागि खेलको पाँचौं […]
January 15, 2025
काठमाडौं(हाम्रो खेलकुद) – एन्फा राष्ट्रिय महिला लिगअन्तर्गत अन्तिम चरणमा विभागीय टोली एपिएफ फुटबल क्लबले बागमती युवा क्लबविरुद्ध सहज जित हासिल गरेको छ । सातदोबाटोस्थित एन्फा कम्प्लेक्समा बुधवार भएको खेलमा एपिएफले बागमतीलाई ६-० ले हरायो ।एपिएफको जितमा सरु लिम्बु र रश्मिकुमारी घिसिंङले समान २ र प्रीति राईले १ गोल गरिन् । बागमतीले २ आत्मघाती गोल गर्यो […]
