2 years ago
August 27, 2022
एजेन्सी – परिवर्तित खेलाडी पेड्रो रोड्रिग्वेजले एक गोलसँगै एक असिस्ट दिएपछि इटालियन सिरी ‘ए’ मा इन्टर मिलानले लाजियोसँग हार बेहोरेको छ ।
इन्टर मिलान घरेलु टोली लाजियोसँग ३–१ ले पराजित भएको हो । स्टेडियो ओलम्पिको रोमामा शुक्रबार राति भएको खेलमा घरेलु टोलीको जितमा फिलिपे एनडरसन, लुइस अल्बर्टाे र पेड्रो रोड्रिग्वेजले गोल गरे । इन्टरका लोउटारो मार्टिनेजले एक गोल फर्काए ।
प्रतिस्पर्धात्मक खेलको ४०औं मिनेटमा फिलिपे एनडरसनको गोलबाट लाजियोले सुरुवाती अग्रता लिन सफल भयो । उनले सेरगेज मिलिन्कोभिक साभिकको पासमा गोल गर्न सफल भए । ५१औं मिनेटमा लोउटारो मार्टिनेजले गोल गर्दै खेललाई १–१ गोलको बराबरीमा ल्याए । मार्टिनेजले डेन्जेल डमफ्रेजको पासमा गोल गर्न सफल भए ।
७५औं मिनेटमा परिवर्तित खेलाडी लुइस अल्बर्टाेले अर्का परिवर्तित खेलाडी पेड्रो रोड्रिग्वेजको पासमा गोल गर्दै लाजियोलाई २–१ को अग्रता दिलाए । अल्बर्टाे र पेड्रो ५७औं मिनेटमा मैदान प्रवेश गरेका थिए । ८६औं मिनेटमा पेड्रो रोड्रिग्वेजले सिरो इमोविलेको पासमा गोल गर्दै लाजियोको जित पक्का गर्दा इन्टरलाई पहिलो हार चखाए ।
यो जितसँगै अपराजित रहेको लाजियो ३ खेलबाट ७ अंक जोडेर शीर्षस्थानमा रहेको छ । पहिलो हार बेहोरेको इन्टर ६ अंक जोडेर चौथौ स्थानमा रहेको छ । समान ६ अंक रहेपनि नेपोली र रोमा गोल अन्तरमा इन्टरभन्दा अघि छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]