एजेन्सी – यूईएफए च्याम्पियन्स लिग २०२२-२३ अन्तर्गत समूह चरणको ड्र आज सम्पन्न हुँदैछ । टर्कीको इस्तानबुलमा हुने ड्र नेपाली समयअनुसार रातको ९:४५ बजे सुरु हुनेछ ।

घरेलु लिगको स्थानकै आधारमा २६ टोली र प्लेअफबाट ६ टोली गरी ३२ टोलीले समूह चरणमा स्थान पक्का गरिसकेका छन् । छनोट भएका सबै टोलीलाई ४ पटमा विभाजन गरिनेछ । त्यसपछि हरेक पटका १-१ टोली छनोट गरेर ८ समूह छनोट हुनेछ ।

समूह चरण छिनोफानोका लागि ४ पट रहने टोलीको छिनोफानो भइसकेको छ । च्याम्पियन्स लिग र युरोपा लिगको उपाधि विजेतासँगै युरोपको शीर्ष ६ लिगको विजेताले पट १ मा स्थान बनाउनेछन् । रियल म्याड्रिड, आइन्ट्राक्ट फ्रान्कफर्ट, म्यानचेस्टर सिटी, एसी मिलान, बायर्न म्युनिख, पेरिस सेन्ट जर्मेन, पोर्टो र आयाक्स पट १ मा छन् । यी सबै टोली ८ फरक समूहमा रहनेछन् ।

त्यसपछिका ३ पटको छिनोफानो क्लब वरीयताको आधारमा भएको हो । दोस्रो पटमा लिभरपुल, चेल्सी, बार्सिलोना, युभेन्टस, एटलेटिको म्याड्रिड, सेभिया, आरबी लाइप्जिग र टोटेनहम हट्सपर रहेका छन् ।

तेस्रो पटमा बोरुसिया डर्टमुन्ड, साल्जबर्ग, शाख्तर डोनेस्क, इन्टर, नापोली, बेन्फिका, स्पोर्टिङ लिस्बन र बायर लेभरकुसन रहेका छन् । पट ४ मा रेन्जर्स, डिनामो जाग्रेब, मार्से, कोपनहेगन, क्लब ब्रुगा, सेल्टिक, भिक्टोरिया प्लेजन र मक्कबी हाइफा रहेका छन् ।

समूह चरणको हरेक समूहमा हरेक पटबाट १-१ टोली छानिनेछ । कुनैपनि देशको दुई टोली एकै समूहमा रहने छैनन् । समूह चरणका खेल यसपटक नोभेम्बर पहिलो सातामा सकिनेछ । विश्वकप भएका कारण नकआउट चरणको खेल भने २०२३ मा हुनेछ ।

पट छिनोफानो यस्तो छ :

पट १ : रियल म्याड्रिड, आइन्ट्राक्ट फ्रान्कफर्ट, म्यानचेस्टर सिटी, एसी मिलान, बायर्न म्युनिख, पेरिस सेन्ट जर्मेन, पोर्टो र आयाक्स

पट २ : लिभरपुल, चेल्सी, बार्सिलोना, युभेन्टस, एटलेटिको म्याड्रिड, सेभिया, आरबी लाइप्जिग र टोटेनहम हट्सपर

पट ३ : बोरुसिया डर्टमुन्ड, साल्जबर्ग, शाख्तर डोनेस्क, इन्टर, नापोली, बेन्फिका, स्पोर्टिङ लिस्बन र बायर लेभरकुसन

पट ४ : रेन्जर्स, डिनामो जाग्रेब, मार्से, कोपनहेगन, क्लब ब्रुगा, सेल्टिक, भिक्टोरिया प्लेजन र मक्कबी हाइफा