काठमाडौं (हाम्रो खेलकुद) – अखिल नेपाल फुटबल संघ (एन्फा) ले बहराइनमा हुने यू–२० एसियन कप छनोटका लागि प्रारम्भिक चरणमा २५ सदस्यीय टोली घोषणा गरेको छ ।

मुख्य प्रशिक्षक मेघराज केसीले बुधबार २५ सदस्यीय टोली घोषणा गरेका हुन् । टोलीले सातदोबाटोस्थित एन्फा कम्प्लेक्सको खेल मैदानमा लगातार प्रशिक्षण गरिरहेको छ ।

२५ सदस्यीय टोलीमा अघिल्लो महिना भारतमा भएको साफ यू–२० च्याम्पियनसिपको टोलीमा रहेका केही खेलाडी बाहिरिदा केही नयाँ खेलाडीले मौका पाएका छन् ।

साफ यू–२० को अन्तिम टोलीमा रहेका सोनित दाहाल, आयुष श्रेष्ठ, रोशन थापा, मोहित गुरुङ र रोहित सुब्बाले टोलीमा स्थान बनाउन सकेनन् । टोप बहादुर राना, जान ताम्ली, शेखर खवास, स्यान्सु भुषाल र राज थोकर राकेश विश्वकर्मा र सन्जीव लामा टोलीमा थपिएका छन् ।

सेप्टेम्वर १० देखि १८ सम्म हुने छनोटमा नेपालले कतार, बहराइन, बंगलादेश र भुटानसँग प्रतिस्पर्धा गर्नेछ । नेपालले १० सेप्टेम्वरमा भुटानसँग खेल्दै यू–२० एसियन कप छनोटको सुरुवात गर्नेछ । त्यसपछि नेपालले १२ सेप्टेम्वरमा कतार, १४ सेप्टेम्वरमा बहराइन र १८ सेप्टेम्वरमा बंगलादेशसँग खेल्ने तालिका छ ।

२५ सदस्यीय नेपाली टोली
गोलकिपर – ईश्वर गुरुङ, युनेश चौधरी, जियारथ शेख र टोप बहादुर राना
डिफेन्डर – अमर श्रेष्ठ अजय चौधरी, सुमित श्रेष्ठ, श्रृजन धानी, अभिषेक वाइवा, जान ताम्ली, शेखर खवास, स्यान्सु भुषाल र राज थोकर
मिडफिल्डर – दिपेश गुरुङ, आशिष राई, सन्दीप कार्की, जन्मजय धामी, कृतिश रत्न छुन्जु, सुगम सुवाल, मनग्य नकर्मी, आयुष घलान, राकेश विश्वकर्मा र सन्जीव लामा
फरवार्ड – निराजन मल्ल र रोहन खड्गी