2 years ago
August 19, 2022
एजेन्सी – पेरिस सेन्ट जर्मेन (पिएसजी) का मुख्य प्रशिक्षक क्रिस्टोफ गाल्टिएरले केलियन एमबाप्पे र नेयमारसँग गत साताको अन्त्यमा मोन्टपेलिएरमाथि ५–२ को जित निकालेको खेलपछि विवादपछि भेट गरेका छन् ।
मोन्ट पेलिएरविरुद्ध पिएसजीले दुई पेनाल्टी पाएको थियो । पहिलो पेनाल्टीमा एमबाप्पे सरिक भएपनि उनले पेनाल्टी चुकाए । त्यसपछि दोस्रो पेनाल्टीमा पनि एमबाप्पेले नेयमारसँग बल माग्दै पेनाल्टी लिने प्रयास गरेपनि नेयमारले आँफैले प्रहार गर्दै गोल गर्न सफल भए ।
नेयमारले दोस्रो पेनाल्टी लिने तयारी गरिरहँदा एमबाप्पे र नेयमारबीच छलफल भएको र त्यसमा नेयमार आँफैले लिन खोजेको भिडियो भाइरल बनेको थियो । त्यसपछि पिएसजीमा पहिलो पेनाल्टी कसले लिने भन्नेमा खेलाडीबीच देखिएको विवादपछि प्रशिक्षक गाल्टिएरले एमबाप्पे र नेयमारसँग भेट गरेका हुन् ।
प्रशिक्षक गाल्टिएर क्लबले समस्या बन्न सक्ने कुनै कुराको द्रुत समाधान खोज्न चाहन्थे । दुई स्टारसँग गाल्टियरको भेटपछि एमबाप्पे पहिलो पेनाल्टी लिने खेलाडी हुने निर्णय भएको क्लबले जनाएको छ ।
ब्राजिली नेयमार युरोपमा उत्कृष्ट पेनाल्टी टेकर मध्ये एक मानिन्छ । त्यसैले प्रशिक्षक गाल्टिएरले उनलाई दोस्रोमा राखेको छ । यसैबीच, क्लबमै रहेका अर्जेन्टिनी लियोनेल मेस्सी पिएसजीको पेनाल्टी लिने खेलाडीमा रहनेछैनन् । नेयमार र एमबाप्पे नभएको खेलमा मेस्सीसँगै स्पेनिस भेट्रान डिफेन्डर सर्जियो रामोस पनि पेनाल्टी लिन उत्कृष्ट मानिन्छ ।
December 16, 2024
हिमाल खरेल,बिर्तामोड उपाधिको दाबेदार मध्ये त्रिभुवन आर्मी फुटबल क्लब झापाको बिर्तामोडमा जारी प्रथम झापा कपको क्वार्टर फाइनल खेलबाटै बाहिरिएको छ । सिरहाको सलहेश युवा क्लबसँग २-० ले पराजित हुँदै आर्मी खेलबाट बाहिरिएको हो । झापामा हुने प्रतियोगितामा पहिलोपटक सहभागिता जनाएको सलहेश आर्मीलाई पराजित गर्दै सेमिफाइनलमा पुगेको हो । सलहेशको जितमा अभि लामा र आदित्य शाक्यले […]
December 16, 2024
दिपक बोहोरा,पाँचथर पाँचथर गोल्डकपको पाँचौ संस्करण फागुनमा हुने भएको छ । आयोजक पाँचथर क्लबले आइतवार पत्रकार सम्मेलन गर्दै एक विदेशीसहित ८ टोलीको सहभागितामा फिदिम माविको खेलमैदानमा प्रतियोगिता हुने जानकारी दिएको छ। फागुनमा प्रतियोगिता हुने भने पनि मिति भने पछि तय हुने बताइएको छ । सहभागी टोलीको लाग्न केहि समय लाग्ने आयोजक क्लबका अध्यक्ष कमल तुम्रोकले […]
December 16, 2024
एजेन्सी- स्पेनिस ला लिगामा शीर्षस्थानको बार्सिलोनाले अंक दूरी बढाउने मौका चुकाएको छ। बार्सिलोना आइतबार घरेलु मैदानमा लेगानेससँग १-० ले पराजित भएको हो । चौथो मिनेट मै सर्जियो गोन्जालेजले गरेको गोल बार्सिलोनालाई हराउन पर्याप्त बन्यो । अर्को खेलमा एट्लेटिको मड्रिड विजयी हुँदै दोस्रो स्थानमा उक्लिएको छ । घरेलु मैदानमा गेटाफेलाई १-० ले हराउँदै एट्लेटिको रियल म्याड्रिडलाई […]
