एजेन्सी – स्पेनिस ला लिगा अन्तर्गत सिजन २०२२-२३ को दोस्रो साता चार फरक दिनमा १० खेल हुँदैछ । उपाधि दावेदार रियल म्याड्रिड र बार्सिलोना दुवै घरेलु मैदानबाहिर खेल्नेछन् ।

यो साताको शुक्रबार दुई खेल हुनेछ । रातको ११:४५ बजे एस्पान्योल र रायो भालेकानो भिड्नेछन् । पहिलो खेलमा बार्सिलोनालाई गोलरहित बराबरीमा रोकेको भालेकानो डिएगो कोस्टा आएसँगै गोलको खाता खोल्न चाहन्छ । एस्पान्योलले पहिलो खेलमा २-० पछि परेको स्थितिबाट इन्ज्युरी समयमा पेनाल्टी गोल गर्दै २-२ को बराबरी खेलेको थियो । शुक्रबार मध्यरत १:४५ बजे (शनिबार विहान) सेभियाले रियल भालाडोलिडसँग खेल्नेछ ।

शनिबार रातको ९:१५ बजे ओसासुनाले क्याडिजसँग खेल्नेछ । लगत्तै ११:१५ बजे मायोर्का र रियल बेटिस भिड्नेछन् । दिनको अन्तिम खेलमा मध्यरात १:४५ बजे सेल्टा भिगोले रियल म्याड्रिडलाई निम्तो दिनेछ । पहिलो खेलमा २-१ को कठिन जित निकालेको रियल लगातार दोस्रो जित दर्ता गर्ने लक्ष्यमा हुनेछ ।

आइतबार रातको ९:१५ बजे एथ्लेटिक बिल्बाओ र भ्यालेन्सिया खेल्नेछन् । त्यसपछि ११:१५ बजेको खेलमा एटलेटिको म्याड्रिड र भिल्लारियलबीच प्रतिस्पर्धा हुनेछ । मध्यरात १:४५ बजे बार्सिलोनाले रियल सोसीडाडको मैदानमा खेल्नेछ । बार्सिलोनाको पहिलो जित दर्ता गर्ने लक्ष्यलाई विफल पार्न सोसीडाड तत्पर हुनेछ ।

सोमबार दुई खेल हुनेछन् । ११:४५ बजे एल्चे र अल्मेरिया खेल्नेछन् । त्यस्तै १:४५ बजे जिरोना र गेटाफेबीच प्रतिस्पर्धा हुनेछ ।

ला लिगामा यो साता :

शुक्रबार

११:४५ बजे – एस्पान्योल विरुद्ध रायो भालेकानो

१:४५ बजे (शनिबार विहान) – सेभिया विरुद्ध रियल भालाडोलिड

शनिबार

९:१५ बजे – ओसासुना विरुद्ध क्याडिज

११:१५ बजे – मायोर्का विरुद्ध रियल बेटिस

मध्यरात १:४५ बजे – सेल्टा भिगो विरुद्ध रियल म्याड्रिड

आइतबार

९:१५ बजे – एथ्लेटिक बिल्बाओ विरुद्ध भ्यालेन्सिया

११:१५ बजे – एटलेटिको म्याड्रिड विरुद्ध भिल्लारियल

मध्यरात १:४५ – रियल सोसीडाड विरुद्ध बार्सिलोना

सोमबार

११:४५ बजे – एल्चे विरुद्ध अल्मेरिया

मध्यरात १:४५ बजे – जिरोना विरुद्ध गेटाफे