भानु अधिकारी, सुर्खेत

फुटबल प्रशिक्षक तयार पार्ने उद्देश्यका साथ कम्युनिटी कोचिङ कोर्ष कर्णाली राजधानी सुर्खेतमा शुक्रबार सम्पन्न भएको छ ।
अलिख नेपाल फुटबल संघ (एन्फा) को सहयोग र जिल्ला फुटबल संघ सुर्खेतको आयोजनामा ४ दिनसम्म सञ्चालन भएको कोचिङ कोर्षमा सुर्खेत, जुम्ला, दैलेख, कालिकोट, दाङ, बाँके लगायत साविक मध्य्पश्चिमका गरि ३० प्रशिक्षार्थीको सहभागिता थियो । सञ्जिव सिंह र नवीन महर्जनले उनीहरुलाई प्रशिक्षण दिएका थिए ।

कोचिङ कोर्षको समापनमा एन्फाका केन्द्रिय सदस्य रबिन चन्दले प्रशिक्षणका लागि सुरुवाती चरणको कोर्ष रहेको उल्लेख गर्दै फुटबल खेल विकासका लागि यस्ता प्रशिक्षण आवश्यक रहेको बताए । प्रशिक्षण लिइ सकेपछि प्रशिक्षार्थीले नै आ आफ्नो स्तर उन्नतिका लागि लाग्नुपर्नेमा जोड दिदै कर्णालीमा यस्तो प्रशिक्षण पहिलो पटक भएको बताए । प्रशिक्षक सञ्जिव सिंहले फुटबलमा कर्णालीे प्रदेशको सम्भावना रहेकोले कोचिङ कोर्ष उपलब्धीमुलक हुने विश्वास व्यक्त गरे ।

सैनिक आवासिय महाविद्यालयका प्रिन्सिपल प्रेम बहादुर विश्वकर्माले प्रशिक्षणले खेललाई आकर्षक र प्रभावकारी बनाउने बताए । कोर्षका लागि सैनिक महाविद्यालयको सहयोग रेको थियो । कोचिङ कोषकी सहभागी सुर्खेतकी अस्मिता नेपालीले कोर्षमा प्राविधिकसँगै नेतृत्व क्षमताको पनि विकास भएको जनाउँदै कोर्ष उपलब्धीमुलक भएको बताइन् ।