2 years ago
August 12, 2022
एजेन्सी – क्याटलान क्लब बार्सिलोनाले यस समरमा अनुबन्ध गरेका खेलाडीमध्ये दुई खेलाडी दर्ता हुन समस्या देखिएको छ । क्लबको आर्थिक समस्याका कारण क्लबले अनुबन्ध गरेका ५ खेलाडीमध्ये दुई जनाको भविष्या सिजन सुरु हुनुअगावै अन्यौलमा परेको छ ।
हालकै स्थिति रहे यि दुई खेलाडीले फ्रि ट्रान्सफरमा क्लब छाड्न पाउनेछन् । बार्सिलोनाले सबै नयाँ खेलाडीलाई दर्ता गर्ने प्रयास गरिरहेको छ, तर समस्या सुल्झिन सकेको छैन । स्पेनिस मिडियाले पनि यो निकै कठिन रहेको बताएका छन् ।
बार्सिलोनाले नयाँ खेलाडीमध्ये डिफेन्डरद्धय जुल्स कुन्डे, आन्द्रेस क्रिस्टेन्सेन र मिडफिल्डर फ्रान्क केसीमध्ये एक जनामात्रै दर्ता गर्न पाउने व्यवस्था रहेको छ । यसको अर्थ रोबर्ट लेवान्डोस्की र राफिन्हा दर्तामा समस्या हुनेछैन । बार्सिलोनाले केसीलाई इटालियन क्लब एसी मिलान र क्रिस्टेन्सेनलाई इंग्लिस क्लब चेल्सीबाट फ्रि ट्रान्सफरमा आबद्ध गरेको थियो ।
कुन्डे भने सेभियाबाट महँगो मुल्यमा आबद्ध गरेका खेलाडी हुन् । बार्सिलोनाले रोबर्ट लेवान्डोस्कीलाई जर्मन क्लब बायर्न म्युनिखबाट तथा राफिन्हालाई इंग्लिस क्लब लिड्स युनाइटेडबाट आबद्ध गर्दै ला लिगामा दर्ता गरिसकेको छ ।
यि ५ खेलाडी अनुबन्धसँगै बार्सिलोनाले सम्झौता सकिएका विंगर औसमाने डेम्वेलेलाई पनि ला लिगामा दर्ता गर्न सकेको छैन । डेम्वेले र राफिन्हामध्ये एक खेलाडी नलिएको भए बार्सिलोनालाई समस्या आउने थिएन । राफिन्हाको ५८ मिलियन युरो सरुवा मुल्य र डेम्वेलेसँग महँगो सम्झौता नविकरणपछि समस्या बढेको हो । त्यसपछि थप अन्य दुई खेलाडीको समस्या पनि थपिएको हो ।
अब बार्सिलोनाले दर्ता गर्न बाँकी रहेका तीन खेलाडीलाई क्लबमै राख्नका लागि आफ्ना खेलाडी बेचेर र केही खेलाडीको तलवमा भारी कटौती गर्दै ला लिगामा प्रमाणित गर्नुपर्छ । यो समरमा बार्सिलोनाले नयाँ खेलाडीलागि १४० मिलियन युरो गुमाइसकेको छ । यो एकै समरमा ठुलै खर्च हो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]