2 years ago
August 7, 2022
काठमाडौं (हाम्रो खेलकुद)– अखिल नेपाल फुटबल संघ (एन्फा) को साउन २६ गतेका लागि तय भएको बैठकमा चार वटा एजेण्डा थप गर्न केन्द्रिय सदस्य पेमा डोल्मा लामाले माग गरेकी छन् ।
एन्फा महिला समितिकी अध्यक्ष समेत रहेकी लामाले एन्फा अध्यक्ष पंकज विक्रम नेम्बाङलाई सम्बोधन गर्दै कार्यसमिति बैठकमा एजेण्डा थपका लागि महासचिव किरण राई मात्र निवेदन बुझाएकी छन् । शुक्रबार बुझाएको निवदेनमा पुरस्कार राशी, महिला नकआउट फुटबल प्रतियोगिता, ग्रासरुट तथा महिला फुटबल एकेडेमी सञ्चालन तथा फिफा डेमा राष्ट्रिय महिला टिमको अन्तर्राष्ट्रिय मैत्रीपूर्ण खेलका विषयमा एजेण्डा थप्न माग गरेकी हुन् ।
शुक्रबार नै दुई उपाध्यक्षसहित सात जनाले एन्फाका अन्तर्राष्ट्रिय सम्बन्ध प्रमुख नवीन पाँडेलाई बर्खास्त गर्ने आफूको निवेदनलाई बैठकमा एजेण्डाका रुपमा प्रवेश गराउनुपर्ने उनीहरुको माग छ । यसअघि एन्फाका वरिष्ठ उपाध्यक्ष वीरबहादुर खड्कासहित १३ जनाले पाँडेलाई बर्खास्त गर्नका लागि संयुक्त रुपमा निवेदन दर्ता गराएका थिए ।
बर्खास्तीको निवेदनलाई एजेण्डामा समावेश गर्न माग गर्नेमा उपाध्यक्षद्वय विराटजंग शाही अर्का उपाध्यक्ष दीपक खतिवडा, सदस्यहरु महेन्द्र क्षेत्री, पुरुषोत्तम थापा, सरिला श्रेष्ठ, रविन्द्र चन्द ठकुरी र रमेश ब्यञ्जनकार रहेका छन् । एन्फाले साउन १७ गते २६ गते कार्यसमितिको बैठक बस्ने जानकारी दिएको थियो । असार ६ गते निर्वाचित कार्यसमितिको दोस्रो पटक दुई पटक स्थागित भइसकेको छ । पहिलो बैठक असार ८ गते बसेको थियो ।
साउन २ गतेका लागि बोलाइएको बैठक अध्यक्ष नेम्बाङ अस्वस्थ भएका कारण स्थगित भएको थियो । त्यसपछि साउन ५ गतेका लागि डाकिएको बैठक एजेण्डामा नै प्रवेश नगरि अध्यक्ष नेम्बाङले स्थगित गरेका थिए । वरिष्ठ उपाध्यक्ष खड्कासहित पदाधिकारी र सदस्यहरुले उपस्थितिमा दस्तखत गर्नुअघि एजेण्डामा छलफल गर्नुपर्ने माग राखेपछि बैठक अघि बढ्न सकेको थिएन । उपस्थितिमा सहि गर्न उनीहरु तयार नभएपछि नेम्बाङले बैठक स्थगित गरिएको बताएको थियो ।
लामा र ७ जनाको अलग अलग निवेदन प्राप्त भएको एन्फा महासचिव राईले जानकारी दिए । यसरी परेका निवेदनका एजेण्डालाई समावेश गर्ने नगर्ने निर्णय अध्यक्षले लिने पनि राईले जानकारी दिए । ‘सदस्य लामाको निवेदन मैले प्राप्त गरिसकेको छु । अर्को निवेदन इमेल मार्फत आएको जानकारी पाएको छु,’ राईले भने, ‘अध्यक्ष ज्यूको निर्देशन अनुसार दुई निवेदनका आधारमा एजेण्डा थप्ने अवस्था आएमा कार्यसमितिको बैठकको ३ दिन अघि पदाधिकारी र सदस्यहरुलाई जानकारी पठाइनेछ ‘।’
पाँडेको बर्खास्ती अहिले एन्फाका लागि पेचिलो बनेको छ । पहिलो बैठकले पाँडेलाई अन्तर्राष्ट्रिय सम्बन्ध प्रमुख नियुक्त गर्दा भने कार्यसमितिका १९ जनाले नै समर्थन गरेका थिए । सोही बैठकले राईलाई एन्फा महासचिव र रविन्द्र जोशीलाई कोषाध्यक्ष नियुक्त गरेको थियो । एक महिना पनि नबित्दै कार्यसमितिका बहुमत पदाधिकारी र सदस्यहरु आफ्नै निर्णयविरुद्ध उभिएका छन् ।
दोस्रो कार्यसमिति बैठकमा विविधसहित १८ वटा यसअघि नै तय भएको एण्जेडामा छलफल हुने एन्फाले जनाएको थियो । त्यसमा एन्फा सहायक महासचिव र प्रवक्ताको नियुक्ती चासोका साथ हेरिएको छ । विधानको व्यवस्था अनुसार केन्द्रिय समितिले ३ सहायक महासचिव, प्रमुख कार्यकारी अधिकृत (सिइओ), प्रवक्ता नियुक्त गर्न पाउने प्रावधान छ ।
दोस्रो बैठकका लागि सुरुवातमा विविधसहित १२ वटा एजेण्डा तय गरेको थियो । त्यसमा उपाध्यक्ष दीर्घबहादुर (कुमार) केसी ५ र अर्का उपाध्यक्ष दीपक खतिवडाले एउटा एजेण्डा थप गर्न माग गरेपछि १८ एजेण्डा पुगेको थियो । एन्फामा २१ सदस्यीय एन्फा कार्यसमितिले पूर्णता पाइसकेको छैन ।
असार ६ गते भएको निर्वाचनबाट ६ पदाधिकारीसहित १९ जना निर्वाचित गरेको थियो । १३ खुला सदस्यका लागि भएको निर्वाचनमा ११ जनाले निर्वाचत भएका थिए । त्यसमध्ये २ सदस्य पदका लागि ४ जनाको मत बराबरी भएपछि विशेष साधारण सभाबाट निर्वाचित गर्ने एन्फाले जनाएको थियो ।
एउटै प्यानलबाट निर्वाचित भएका पनि पाँडेको बर्खास्तीका विषयमा पदाधिकारी र सदस्यहरु अलग अलग समूहमा विभाजित भएका छन् । पाँडेको बर्खास्ती गर्दै निवेदन माग गर्ने अधिकांश पदाधिकारी र सदस्य अध्यक्ष नेम्बाङकै प्यानलबाट एन्फा कार्यसमितिमा निर्वाचित भएका थिए । नयाँ कार्यसमिति निर्वाचित भएपनि एन्फाले नियमित लय भने समात्न सकेको छैन ।
July 1, 2024
एजेन्सी – जर्जियाविरुद्ध पुनरागमन जित दर्ता गर्दै स्पेनले युरोपेली च्याम्पियनसिप २०२४ को क्वाटरफाइनलमा स्थान बनाएको छ । जर्मनीको कोल्नमा भएको खेलमा स्पेनले ४-१ को जित निकाल्दै अर्को चरणमा स्थान पक्का गरेको हो । स्पेनको जितमा रोड्री, फाबियन रुइज, निको विलियम्स र ड्यानी ओल्मोले १-१ गोल गरे । पछिल्लो खेलमा पोर्चुगललाई हराएको जर्जियाले सुरुवाती अग्रता लिएपछि […]
July 1, 2024
एजेन्सी – उपाधि दावेदार इङ्ल्यान्ड स्लोभाकियालाई हराउँदै युरो कप २०२४ को क्वाटरफाइनलमा प्रवेश गरेको छ । गेल्सेनकर्चेनमा भएको प्रिक्वाटरफाइनल खेलमा इङ्ल्यान्डले अतिरिक्त समयमा पुनरागमन गरेर स्लोभाकियालाई २-१ ले पराजित गर्दै अन्तिम आठमा स्थान बनाएको हो । इभान स्क्रान्जले २५औं मिनेटमा स्लोभाकियाका लागि सुरुवाती गोल गरेका थिए । डेविड स्ट्रेलेकको सुन्दर थ्रु-पासलाई नियन्त्रणमा लिँदै स्क्रान्जले प्रतियोगिताको […]
June 30, 2024
सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग फुटबलमा आइतबार एष्ट्रल युथ सोसाइटी र सौराहा युवा समाजले बराबरी खेलेका छन् । भरतपुर ७ कृष्णपुर मैदानमा भएको समूह ए को खेलमा १-१ को बराबरी गर्दै दुबै टिमले अंक बाँडेका हुन् । खेलमा एष्ट्रलका लागि जुनित घिसिङ र सौराहाका लागि सञ्जय चौधरीले गोल गरे […]