एजेन्सी – पोर्चुगिज भेट्रान सुपरस्टार क्रिस्टियानो रोनाल्डो फर्किएको प्रि–सिजनको अन्तिम मैत्रीपूर्ण खेलमा म्यानचेस्टर युनाइटेड बराबरीमा रोकिएको छ ।

युनाइटेडले घरेलु मैदान ओल्ड ट्राफोर्डमा सुरुवाती अग्रता लिनका बावजुत त्यसलाई जोगाउन नसक्दा स्पेनिस क्लब रायो भायोकानोसँग १–१ गोलको को बराबरीमा रोकिएको हो ।

रोनाल्डोको भविष्यलाई लिएर यस ट्रान्सफर विन्डोमा व्यापक चर्चा भएपनि उनी अन्तत युनाइटेडको जर्सीमा देखिए । उनी प्रि–सिजनको लागि टोलीसँग सामेल भएनन् । तर उनको जादु पहिलो हाफमा चलेन ।

उनलाई दोस्रो हाफको सुरुमै अमद डियालोले प्रतिस्थापन गरे । रोनाल्डोको स्थानमै मैदान छिरेका डियालोले ४८औं मिनेटमा गोल गर्दै युनाइटेडलाई सुरुवाती अग्रता दिलाए । ५७औं मिनेटमा अल्भारो गार्सियाले बराबरी गोल फर्काए । त्यसपछि थप गोल निस्कन नसक्दा खेल बराबरीमा टुंगियो ।

युनाइटेड अघिल्लो खेलमा स्पेनिस क्लब एट्लेटिको म्याड्रिडसँग १–० ले पराजित भएको थियो । त्यसअघि, युनाइटेडले लिभरपुल, मेलबर्न भिक्टोरी र क्रिस्टल प्यालेसलाई हराउँदा एस्टन भिल्लासँग २–२ को बराबरी खेलेको थियो । युनाइटेडले अर्काे साताब्राइटनविरुद्धको खेलबाट प्रिमियर लिगको नयाँ सिजन सुरु गर्नेछ ।

आइतबार राति नै लेस्टर सिटीले सेभियालाई १–० ले हराउँदा लिड्स युनाइटेडले काग्लिएरीलाई ६–२ ले हराएको छ । वल्भ्स र फरेन्स ले तथा फुलहम र भिल्लारियलले समान १–१ गोलको बराबरी खेलेका छन् ।

यस्तै एसी मिलानले मार्सेलाई २–० ले पराजित गरेको छ । लिभरपुल स्ट्रासवर्गसँग ३–० ले पराजित हुँदा नेपोली र मलोर्काले १–१ गोलको बराबरी खेलेका छन् ।